ସାଉଦି ଆରବ ରାଜାଙ୍କ ସହ ଏକ ପ୍ରତିନିଧି ଦଳ ସୋମବାର ଦିନ ପାକିସ୍ତାନ ଗସ୍ତରେ ଅଛନ୍ତି । ଇସଲାମବାଦଠାରେ ଇମ୍ରାନ୍ ଖାନ୍ ଏବଂ ସାଉଦି ରାଜାଙ୍କ ମଧ୍ୟରେ ଦ୍ବିପାକ୍ଷିକ ଆଲୋଚନାରେ ଦ୍ବିପାକ୍ଷିକ ସମ୍ପର୍କକୁ ଅଧିକ ମଜବୁତ୍ କରିବା, ଆର୍ଥିକ ସହଯୋଗ ବୃଦ୍ଧି, ନିବେଶ, ବାଣିଜ୍ୟ ଆଦି ପ୍ରସଙ୍ଗ ସାମିଲ୍ ହୋଇଥିଲା । ଅର୍ଥନୈତିକ ସଂକଟ ଦେଇ ଗତି କରୁଥିବା ପାକିସ୍ତାନରେ ୨୦୦ କୋଟି ଡଲାର ନିବେଶ କରିବାକୁ ନେଇ ସହମତି ପ୍ରକାଶ କରିଛନ୍ତି ସାଉଦି ରାଜା । ସାଉଦି ଆରବର ରାଜା ମହମ୍ମଦ ବିନ୍ ସଲମାନ ସାଉଦିର ବିଭିନ୍ନ ଜେଲରେ ଥିବା ୨୧୦୭ଜଣ ପାକିସ୍ତାନୀ ବନ୍ଦୀକୁ ମୁକ୍ତ କରିବାକୁ ନିର୍ଦ୍ଦେଶ କହିଛନ୍ତି । ପାକିସ୍ତାନ-ସାଉଦି ଦ୍ବିପାକ୍ଷିକ ସମ୍ପର୍କକୁ ଅଧିକ ମଜବୁତ୍ କରିବା ସହ ମାନବିକ ଦୃଷ୍ଟିକୋଣରୁ ଏହି ନିର୍ଦ୍ଦେଶ ଦିଆଯାଇଛି ବୋଲି ପାକିସ୍ତାନର ସୂଚନା ମନ୍ତ୍ରୀ ଫଓ୍ବାଦ ଚୌଧୁରୀ କହିଛନ୍ତି । ବିଦେଶ ପୁଞ୍ଜି ସଂଚୟ ସଂକଟ ଯୋଗୁଁ ପାକିସ୍ତାନର ଅର୍ଥନୀତି ଦୁର୍ବଳ ହୋଇପଡିଥିବାବେଳେ ଏହାକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ବିଭିନ୍ନ ଦେଶକୁ ସାହାଯ୍ୟ ମାଗିଆସୁଛନ୍ତି । ଏହି କ୍ରମରେ ସେ ସାଉଦି ଆରବକୁ ଆର୍ଥିକ ସହଯୋଗ ମଧ୍ୟ ମାଗିଥିଲେ ।
FILE PHOTO: Saudi Deputy Crown Prince Mohammed bin Salman waves as he meets with Philippine President Rodrigo Duterte in Riyadh, Saudi Arabia, April 11, 2017. Bandar Algaloud/Courtesy of Saudi Royal Court/Handout/File Photo via REUTERS ATTENTION EDITORS - THIS PICTURE WAS PROVIDED BY A THIRD PARTY.