ଅହମ୍ମଦାବାଦ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଭାରତରେ ପହଞ୍ଚିଲେ। ଗୁଜୁରାଟର ଅହମଦାବାଦ ବିମାନବନ୍ଦରରେ ପହଞ୍ଚିଲେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଓ ତାଙ୍କ ପରିବାର। ସ୍ବତନ୍ତ୍ର ବିମାନ ଏୟାରଫୋର୍ସ ଓ୍ବାନ୍’ରେ ପହଞ୍ଚିଛନ୍ତି ଆମେରିକା ରାଷ୍ଟ୍ରପତି। ଟ୍ରମ୍ପ୍ଙ୍କ ଭବ୍ୟ ସ୍ବାଗତ ସମ୍ବର୍ଦ୍ଧନା ପାଇଁ ପ୍ରସ୍ତୁତ ରହିଛି ଅହମ୍ମଦାବାଦ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ରମ୍ପ୍ଙ୍କ ସ୍ବାଗତ ପାଇଁ ଅହମଦାବାଦଠାରେ ପହଞ୍ଚିଛନ୍ତି। ବିମାନବନ୍ଦରରେ ଆମେରିକୀୟ ରାଷ୍ଟ୍ରପତି ଟ୍ରମ୍ପ୍ଙ୍କୁ ସ୍ବାଗତ କରିବେ ମୋଦି।
ଏୟାରପୋର୍ଟରୁ ମୋଟରା ଷ୍ଟାଡିୟମ୍ ପର୍ଯ୍ୟନ୍ତ ଦୁଇ ନେତା 22 କିମି ରୋଡ୍ ଶୋ’ କରିବେ। ଏହି ଅବସରରେ ସାବରମତୀ ଆଶ୍ରମରେ କିଛି ସମୟ ରହିବେ ଦୁଇ ନେତା। ଏଠାରେ ରାଷ୍ଟ୍ରପିତା ମହତ୍ମା ଗାନ୍ଧିଙ୍କୁ ଶ୍ରଦ୍ଧାଞ୍ଜଳି ଦେବେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍।