ଶ୍ରୀନଗର : ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ)ର ଅପାରଗତା କାରଣରୁ ପୁଲଓ୍ବାମା ଆକ୍ରମଣକାରୀଙ୍କୁ ଜାମିନ ମିଳିଛି । ଚାର୍ଜସିଟ୍ ଦାଖଲରେ ଏନ୍ଆଇଏ ବିଫଳ ହେବାରୁ ପୁଲଓ୍ବାମା ଆକ୍ରମଣକାରୀ ୟୁସୁଫ୍ ଚୋପାନ୍ଙ୍କୁ ଗୁରୁବାର ଜାମିନ ମିଳିଛି । ନିୟମ ଅନୁସାରେ ଗିରଫ ହେବାର 180 ଦିନ ମଧ୍ୟରେ ଚାର୍ଜସିଟ୍ ଦାଖଲ କରାଯିବା ଉଚିତ୍ । ମାତ୍ର 6 ମାସର ସମୟ ବିତିଥିଲେ ମଧ୍ୟ ଏନ୍ଆଇଏ ପକ୍ଷରୁ କୌଣସି ଚାର୍ଜସିଟ୍ ଦାଖଲ କରାଯାଇନଥିଲା, ଯାହା ଫଳରେ ଚୋପାନ୍ଙ୍କୁ କୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ୟୁସୁଫଙ୍କୁ 50 ହଜାର ଟଙ୍କାର ଦୁଇଜଣ ଜାମିନଦାରଙ୍କ ବଦଳରେ ଜାମିନ ପ୍ରଦାନ କରାଯାଇଛି । ଉଲ୍ଲେଖଯୋଗ୍ୟ ଯେ, ଫେବୃୟାରୀ 14, 2019ରେ ଜୈସ୍ ଏ ମହମ୍ମଦର ଆକ୍ରମଣରେ 40 ଜଣ ଯବାନ ପ୍ରାଣ ହରାଇଥିଲେ । (ଏଜେନ୍ସି)
