ମଧ୍ୟପ୍ରଦେଶ : ମଧ୍ୟପ୍ରଦେଶରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ସମେତ 22 ଜଣ ବିଧାୟକ ଇସ୍ତଫା ଦେବା ପରେ କମଲନାଥ ସରକାର ଏବେ ଘୋର ସଂକଟରେ । ତେବେ କଂଗ୍ରେସ ବିଧାନସଭାରେ ବହୁମତ ସାବ୍ୟସ୍ତ କରିବା ନେଇ ଦାବି ରଖିଛି ।
ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥଙ୍କ ପୁତ୍ର ତଥା ଛିନ୍ଦଓ୍ବାଡ ସାଂସଦ ନକୁଲନାଥ କହିଛନ୍ତି ଯେ, ତାଙ୍କୁ ପୂରା ଭରସା ରହିଛି ମଧ୍ୟପ୍ରଦେଶ ସରକାର ସୁରକ୍ଷିତ ରହିଛି ଓ ରହିବ । ବିଧାୟକଙ୍କୁ ଧୋକ୍କା ଦେଇ ବେଙ୍ଗାଲୁରୁ ନିଆଯାଇଛି । ବିଧାୟକଙ୍କ ଇସ୍ତଫା ଏପର୍ଯ୍ୟନ୍ତ ମଞ୍ଜୁର ହୋଇନାହିଁ ।
ନକୁଲନାଥ କହିଛନ୍ତି ଯେ, ବିଧାନସଭାର ବାଚସ୍ପତି କହିଛନ୍ତି ଯେ, ଯେଉଁ ବିଧାୟକମାନେ ଇସ୍ତଫା ଦେବାକୁ ଚାହୁଁଛନ୍ତି ସେମାନେ ବ୍ୟକ୍ତିଗତ ଭାବେ ବିଧାନସଭାରେ ଇସ୍ତଫା ଦେବେ । କାଲି ବିଜେପି ନେତା ଆମ ବିଧାୟକଙ୍କ ଇସ୍ତଫା ପତ୍ର ନେଇ ବାଚସ୍ପତିଙ୍କ ପାଖରେ ପହଞ୍ଚିଥିଲେ । ଏହାତ ଏପରି ଲାଗୁଛି ଯେ, ପିଏମ୍ ନରେନ୍ଦ୍ର ମୋଦି ଓ ଅମିତ୍ ଶାହା ଇସ୍ତଫା ଦେଲେ ଓ ଅଧୀର ରଂଜନ ଚୌଧୁରୀ ତାଙ୍କ ଇସ୍ତଫା ପତ୍ର ନେଇ ଲୋକସଭା ଅଧ୍ୟକ୍ଷଙ୍କ ପାଖରେ ପହଞ୍ଚିଲେ । ଏହା ତ ମଜାକ୍ ଅଟେ । ପିକଚର୍ ଏବେ ବାକି ଅଛି ବୋଲି କହିଛନ୍ତି ନକୁଲନାଥ ।
ସୂଚନାଯୋଗ୍ୟ, ଜ୍ୟୋତିରାଦିତ୍ୟ ସିନ୍ଧିଆ ମଙ୍ଗଳବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ୍ ଶାହାଙ୍କ ସହ ସାକ୍ଷାତ କରି କଂଗ୍ରେସରୁ ଇସ୍ତଫା ଦେଇଥିଲେ । ଏବେ ସିନ୍ଧିଆ ବିଜେପିରେ ସାମିଲ୍ ହେବେ ବୋଲି ସୂଚନା ରହିଛି । ବିଜେପି ସିନ୍ଧିଆକୁ ରାଜ୍ୟସଭା ପଠାଇବା ବା କ୍ୟାବିନେଟ୍ ମନ୍ତ୍ରୀ ବନାଇବା ଅନୁମାନ କରାଯାଉଛି ।