କନ୍ଦର୍ପ ବେହେରା
ରେଢାଖୋଲ: ଏକ ଅଜଣା ଗାଡ଼ି ଧକ୍କାରେ ଜନୈକ ଯୁବକର ମୃତ୍ୟୁ ହୋଇଥିବାର ସୂଚନା ମିଳିଛି। ରେଢାଖୋଲ ଥାନା ଲୁହାପଙ୍କ ଗ୍ରାମପଞ୍ଚାୟତର କୁସୁମେଖାଳ ଗ୍ରାମର ପଚିଶ ବର୍ଷୀୟ କଳ୍ପତରୁ ବେହେରା (କାଳିଆ) କୌଣସି ଏକ କାମରେ କିଶୋର ନଗର ଯାଇଥିଲେ। ସେଠାରୁ କାମ ସାରି ସନ୍ଧ୍ୟା 7ଟାରେ ଘରକୁ ଫେରୁଥିବାବେଳେ ଲୁହାପଙ୍କ ନିକଟସ୍ଥ ଜାତୀୟ ରାଜପଥ 55ର କୁଟାସିଂଙ୍ଗା ଗ୍ରାମ ନିକଟରେ ଅଜଣା ଗାଡ଼ି ଧକ୍କା ଦେଇ ଫେରାର ହୋଇଯାଇଛି। ଘଟଣାସ୍ଥଳରେ କଳ୍ପତରୁଙ୍କ ମୃତ୍ୟୁ ହୋଇଯାଇଛି।
ଗାଡି ଧକ୍କାରେ ଅନ୍ତଃବୁଜୁଳା ବାହାରି ପଡିବା ସହ ମୁଣ୍ଡରେ ଗଭୀର ଆଘାତ ଲାଗି ପ୍ରବଳ ରକ୍ତସ୍ରାବ ହୋଇ ତାଙ୍କର ମୃତ୍ୟୁ ଘଟିଛି। କୁଟାସିଙ୍ଗାର ମାହେଶ୍ବର ହୋଟେଲ ପାଖରେ ଏହି ଘଟଣାଟି ଘଟିଛି। ତେବେ କେଉଁଭଳି ସ୍ଥିତିରେ ଗାଡି ଧକ୍କା କରିଛି ସେ ସମ୍ପର୍କରେ ଜଣାପଡିନାହିଁ। ସେହିପରି ଏହି ଘଟଣାର କେହି ପ୍ରତ୍ୟକ୍ଷଦର୍ଶୀ ନଥିବାରୁ ଧକ୍କା ଦେଇଥିବା ଗାଡିକୁ ପୋଲିସ୍ ଧରିବାରେ ସକ୍ଷମ ହୋଇପାରିନାହିଁ।
Tags: accident
