ଭୁବନେଶ୍ବର : କରୋନା ମୁକାବିଲା ଲାଗି କଣ୍ଟେନମେଣ୍ଟ ଜୋନ୍ ପାଇଁ ଗୁରୁତ୍ବପୂର୍ଣ୍ଣ ନିର୍ଦ୍ଦେଶନାମା ଜାରି କରିଛନ୍ତି ରାଜ୍ୟ ସରକାର । ଏନେଇ ପୁଲିସ୍ ଡିଜି, ସମସ୍ତ ଅତିରିକ୍ତ ସଚିବ, ପ୍ରମୁଖ ସଚିବ ଓ ଜିଲ୍ଲାପାଳ ଓ ପୋଲିସ୍ କମିଶନର, ପୌର ନିର୍ବାହୀ ଅଧିକାରୀ, ମ୍ୟୁନିସାପଲା କମିଶନରଙ୍କୁ ଚିଠି ଦିଆଯାଇଛି ।
କଣ୍ଟେନେମଣ୍ଟ ଜୋନକୁ ସମ୍ପୂର୍ଣ୍ଣ ବ୍ୟାରିକେଡ୍ କରାଯାଇ ପ୍ରବେଶ ଏବଂ ପ୍ରସ୍ଥାନକୁ ନିଷିଦ୍ଧ କରାଯିବ । ସେହିପରି ଏହି ଜୋନ୍ରେ ରହୁଥିବା ଏକାକୀ ମହିଳା, ବୟସ୍କ ତଥା ଗର୍ଭବତୀ, ଅସୁସ୍ଥ ଓ ଦିବ୍ୟାଙ୍ଗ ଉପରେ ସ୍ବତନ୍ତ୍ର ଧ୍ୟାନ ଦିଆଯିବ । ଘର ବୁଲି କଣ୍ଟେନେମଣ୍ଟରେ ସ୍ବାସ୍ଥ୍ୟବସ୍ଥା ବୁଝିବେ ଅଙ୍ଗନଓ୍ବାଡି, ଏଏନ୍ଏମ୍, ସ୍ବାସ୍ଥ୍ୟ କର୍ମୀ, ଶିକ୍ଷକ । ଫ୍ଲୁ ଲକ୍ଷଣ ଥିବା ଲୋକଙ୍କ ନମୁନା ସଂଗ୍ରହ ହୋଇ ପରୀକ୍ଷା କରାଯିବ । ଏମାନଙ୍କ କାମର ତଦାରଖ କରିବେ ମେଡ଼ିକାଲ ଅଫିସର । ସେହିପରି ଔଷଧ ଓ ଜରୁରୀ ସାମଗ୍ରୀ ଘରେ ପହଞ୍ଚାଇବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି । ବୟସ୍କ ବ୍ୟକ୍ତି, ଗର୍ଭବତୀ, ଅସୁସ୍ଥ ଓ ଭିନ୍ନକ୍ଷମଙ୍କୁ ଗୁରୁତ୍ବ ଦେବାକୁ ଯୋଜନା କରାଯାଇଛି । ସମ୍ପୃକ୍ତ ଅଞ୍ଚଳର ପ୍ରମୁଖ ବ୍ୟକ୍ତିଙ୍କୁ ନେଇ ହ୍ବାଟସ୍ଆପ୍ ଗ୍ରୁପ୍ କରାଯିବ । ହ୍ବାଟସ୍ଆପ୍ ଗ୍ରୁପ୍ ମାଧ୍ୟମରେ ବିଭିନ୍ନ ସୂଚନା ଦିଆଯିବ । ଏହି କଣ୍ଟେନମେଣ୍ଟ ଜୋନ୍ରୁ ଦୁଇ ରାଉଣ୍ଡ ସର୍ଭେ ପରେ ଯଦି ନୂତନ ପଜିଟିଭ୍ କେସ୍ ନ ବାହାରିଲା ତେବେ ସମ୍ପୃକ୍ତ ଅଞ୍ଚଳରୁ କଣ୍ଟେନମେଣ୍ଟ ଜୋନ୍ ନିର୍ଦ୍ଦେଶନାମାକୁ ପ୍ରତ୍ୟାହାର କରାଯିବ ।