ମୁମ୍ବାଇ : ଦେଶର ପ୍ରଥମଥର ପାଇଁ ନେଭି ବେସ୍ରେ କରୋନା ଚିହ୍ନଟ କରାଯାଇଛି । ଗତ ସାତ ତାରିଖରେ ଆଇଏନ୍ଏସ୍ ଆଙ୍ଗ୍ରେର ଜଣେ କର୍ମଚାରୀ ପଜିଟିଭ୍ ଚିହ୍ନଟ ହୋଇଥିଲେ । ତାଙ୍କ ସଂସ୍ପର୍ଶରେ ଆସିବା ପରେ ଅନ୍ୟମାନେ ସଂକ୍ରମିତ ହୋଇଥିବାର ସନ୍ଦେହ କରାଯାଉଛି। ଭାରତୀୟ ନୌସେନାରେ 25ରୁ ଅଧିକ କର୍ମୀଙ୍କ ନିକଟରେ କରୋନା ଟେଷ୍ଟ କରାଯାଇଥିବାବେଳେ 21 ଜଣଙ୍କ ନିକଟରେ କରୋନା ପଜିଟିଭ୍ ଚିହ୍ନଟ ହୋଇଥିଲା । ପରେ ସମସ୍ତଙ୍କୁ ମୁମ୍ୱାଇର କୋଲାବାସ୍ଥିତ ଆଇଏନ୍ଏଚ୍ଏସ୍ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଜାହାଜ ଏବଂ ବୁଡ଼ାଜାହାଜରେ ନିୟୋଜିତ ଥିବା କର୍ମଚାରୀଙ୍କୁ ଏହି ସଂକ୍ରମଣ ବିସ୍ତାର କରିନଥିବା ସୂଚନା ରହିଛି। ସେହିପରି କୋଭିଡ୍ ଗାଇଡ୍ ଲାଇନ ଅନୁସାରେ ନୌସେନା ଅଧିକାରୀଙ୍କ ଯାତ୍ରା ବିବରଣୀ ଓ ସେ କାହା କାହା ସଂସ୍ପର୍ଶରେ ଆସିଥିଲେ ସେ ନେଇ ତନା ଘନା ଚାଲିଛି ।
ଭାରତରେ କରୋନା ସଂକ୍ରମଣର ସଂଖ୍ୟା ପ୍ରାୟ ଚଉଦହଜାର ଟପିଥିବାବେଳେ ଦେଶରେ କରୋନା କାରଣରୁ 480 ଜଣଙ୍କର ମୃତ୍ୟୁ ଘଟିଛି। (ଏଜେନ୍ସି)
Tags:
