ଭୁବନେଶ୍ବର : ଆଜି ରାଜ୍ୟରେ ପାଞ୍ଚଜଣ ପଜିଟିଭ୍ ଚିହ୍ନଟ ହୋଇଥିବାବେଳେ ସମସ୍ତେ ବାଲେଶ୍ବର ଜିଲ୍ଲାର ବୋଲି ସୂଚନା ରହିଛି। ଆଜି ଚିହ୍ନଟ ହୋଇଥିବା ପାଞ୍ଚଜଣ ପଜିଟିଭ୍ ମଧ୍ୟରେ ଜଣେ ବାର ବର୍ଷର ନାବାଳକ ରହିଥିବାବେଳେ ଦୁଇ ଜଣ 34 ବର୍ଷୀୟ ମହିଳା ଓ 38 ବର୍ଷୀୟ ବ୍ୟକ୍ତି, 26 ବର୍ଷୀୟ ଯୁବକ ରହିଛନ୍ତି। ଏମାନେ ସମସ୍ତେ ପୂର୍ବରୁ ଠାବ ହୋଇଥିବା କରୋନା ଆକ୍ରାନ୍ତ ସମ୍ପର୍କୀୟ ବୋଲି ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ୱିଟ କରି କୁହାଯାଇଛି।
ଅନ୍ୟପକ୍ଷରେ ଏବେ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 79ରେ ପହଞ୍ଚିଛି। ସେହିପରି ଆକ୍ଟିଭ୍ କେସ୍ 53 ଥିବା ବେଳେ 25ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏଯାଏ ରାଜ୍ୟରେ ଜଣେ ବ୍ୟକ୍ତି କରୋନାରେ ପ୍ରାଣ ହରାଇଛନ୍ତି। (ଏଜେନ୍ସି)
Tags:
