ବାଲେଶ୍ବର: ବାଲେଶ୍ବରରେ କରୋନା ଆକ୍ରାନ୍ତ ବଢିବା ପରେ ଏବେ ଏହି ଜିଲ୍ଲାରେ ସ୍ଥିତି ସମୀକ୍ଷା କରାଯାଇଛି। ଏହି ସମୀକ୍ଷାରୁ ପ୍ରାୟ ୨୮ ଶହ ଲୋକ ସୀମା ଡେଇଁ ବାଲେଶ୍ବରର ପଶି ଆସିବାର ସୂଚନା ମିଳିଛି। ଗତ ଦୁଇ ମାସ ଭିତରେ ପ୍ରାୟ ୨୭ ଶହ/୨୮ଶହ ଲୋକ ବାଲେଶ୍ବର ଆସିଛନ୍ତି। ପଡୋଶୀ ରାଜ୍ୟରେ କାମ କରୁଥିବା ବହୁ ଲୋକ ପଶି ଆସିଛନ୍ତି ବୋଲି ସୂଚନା ରହିଛି। ବାଲେଶ୍ବର ସ୍ଥିତି ସମୀକ୍ଷା ପରେ ଏପରି ସୂଚନା ପ୍ରଦାନ କରିଛନ୍ତି ଆରଡିସି ଅନୀଲ୍ ସାମଲ୍। ଲକ୍ ଡାଉନ୍ ପରେ ମଧ୍ୟ କିଛି ଲୋକ ପଶି ଆସିଥିବାର ଜଣାପଡିଛି। ସରପଞ୍ଚ ଏବଂ ଜିପିଇଓମାନଙ୍କ ଦ୍ବାରା ଡାଟା ପ୍ରସ୍ତୁତ କରାଯାଇଛି। ବାହାରୁ ଆସିଥିବାର ସମସ୍ତ ଲୋକଙ୍କୁ କ୍ବାରେଣ୍ଟାଇନ୍ରେ ରଖାଯିବା ନେଇ ବ୍ୟବସ୍ଥା କରାଯାଇଛି। ସେହିପରି ୧୪ ଦିନ କ୍ବାରେଣ୍ଟାଇନ ରହିବାକୁ ବାଧ୍ୟତାମୂଳକ କରାଯାଇଛି। କ୍ବାରେଣ୍ଟାଇନ୍ରେ ରଖି ସେମାନଙ୍କ ସାମ୍ପଲ୍ ଟେଷ୍ଟ କରାଯିବ। ଗତକାଲି ଚିହ୍ନଟ ହୋଇଥିବା ଏକ ତୃତୀୟାଂଶ ଆକ୍ରାନ୍ତଙ୍କର କୋଲକାତା ଲିଙ୍କ ରହିଥିବାରୁ ଏବେ ଏହି ସୂଚନାକୁ ନେଇ ଚର୍ଚ୍ଚା ଜୋର୍ ଧରିଛି।
ଓଡ଼ିଶାରେ କରୋନା ଆକ୍ରାନ୍ତ ବଢିବାରେ ଲାଗିଛି। ଦିଲ୍ଲୀ ନିଜାମୁଦ୍ଦିନ୍ ଲିଙ୍କ୍ ଯୋଗୁଁ ଓଡ଼ିଶାରେ ଆକ୍ରାନ୍ତଙ୍କ ସଂଖ୍ୟା ବଢିଥିବାବେଳେ ଏବେ ମୁଣ୍ଡବ୍ୟାଥାର କାରଣ ପାଲଟିଛି କୋଲକାତା ଲିଙ୍କ୍। ଗତକାଲି ଚିହ୍ନଟ ହୋଇଥିବା ସମସ୍ତ ୧୩ ଜଣ ଆକ୍ରାନ୍ତଙ୍କ ମଧ୍ୟରୁ ୧୦ ଜଣଙ୍କ କୋଲକାତା ଲିଙ୍କ୍ ଥିବାର ଜଣାପଡିଥିଲା। ଗତ ୨୮ ଦିନ ମଧ୍ୟରେ ପଶ୍ଚିମବଙ୍ଗରୁ ଫେରିଥିବା ସମସ୍ତ ବ୍ୟକ୍ତିଙ୍କୁ ସରକାରଙ୍କୁ ନିଜ ଆଡ଼ୁ ସୂଚନା ଦେବାକୁ ସ୍ୱାସ୍ଥ୍ୟ ବିଭାଗ ପକ୍ଷରୁ ନିବେଦନ କରାଯାଇଛି।