ଭୋପାଳ : ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ବୃଦ୍ଧି ଘଟୁଥିବାବେଳେ ଭୋପାଳର ଏକ ହସ୍ପିଟାଲରେ ବହୁ ସଂଖ୍ୟାରେ କରୋନା ରୋଗୀ ସୁସ୍ଥ ହୋଇଥିବାର ଖବର ମିଳିଛି । ମିଳିଥିବା ସୂଚନା ଅନୁସାରେ ଭୋପାଳରେ କରୋନା ରୋଗୀଙ୍କ ସଂଖ୍ୟା ବଢୁଥିବାବେଳେ ଭୋପାଳର ଚିରାୟୁ ହସପିଟାଲରେ 20 ଦିନ ମଧ୍ୟରେ ପ୍ରାୟ 200ରୁ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି । ହସ୍ପିଟାଲ କର୍ତ୍ତୃପକ୍ଷଙ୍କ କହିବାନୁସାରେ ଏଠାରେ କରୋନା ଆକ୍ରାନ୍ତଙ୍କ ପାଇଁ ବିଶେଷ ପ୍ରକାରର ପ୍ରସ୍ତୁତି କରାଯାଇଛି ।
ଇନ୍ଦୋର ରୋଡ୍ରେ ଅବସ୍ଥିତ ଚିରାୟୁ ହସ୍ପିଟାଲରେ ମାର୍ଚ୍ଚ ମାସରେ କୋଭିଡ୍-19 ହସ୍ପିଟାଲ ନିର୍ମାଣ କରାଯାଇଥିଲା । ଚିରାୟୁ ହସ୍ପିଟାଲରେ କରୋନା ଆକ୍ରାନ୍ତଙ୍କ ସ୍ପତନ୍ତ୍ର ସ୍ଥାନ ସଂରକ୍ଷିତ କରାଯାଇଛି । ଏଠାରେ ବହୁ ସତର୍କତା ସହ ରୋଗୀଙ୍କ ଚିକିତ୍ସା କରାଯାଉଛି । ଏଠାରେ ଆକ୍ରାନ୍ତଙ୍କ ଡାଏଟ୍ ଚାର୍ଟ ସହ ବ୍ୟାୟାମ ମଧ୍ୟ କରାଯାଉଛି । ଏଠାରେ ଔଷଧ ସମେତ ଅନ୍ୟାନ୍ୟ ଉପକରଣ ପ୍ରଚୁର ମାତ୍ରାରେ ମହଜୁଦ୍ ରହିଛି । ଏଠାରେ ରୋଗୀଙ୍କୁ ହସ୍ପିଟାଲ ନୁହେଁ ବରଂ ପରିବାର ଭିତରେ ରହିଛନ୍ତି ବୋଲି ଅନୁଭବ ଦିଆଯାଉଛି । ତାଙ୍କୁ ଏଠାରେ ରୋଗ ସହିତ ସାହସର ସହ ଲଢିବା ପାଇଁ ପ୍ରେରଣା ଦିଆଯାଉଛି ।
ସୂଚନାଯୋଗ୍ୟ, ମଧ୍ୟପ୍ରଦେଶର ରାଜଧାନୀ ଭୋପାଳ ଓ ଇନ୍ଦୋର୍ କରୋନା ଯୋଗୁଁ ଅଧିକ ପ୍ରଭାବିତ ହୋଇଛି । ରାଜ୍ୟରେ କରୋନା ପୀଡ଼ିତଙ୍କ ସଂଖ୍ୟା 2368ରେ ପହଞ୍ଚିଛି । ଏଠାରେ 113 ଜଣଙ୍କର ମୃତ୍ୟୁବରଣ ହୋଇଛି । ଭୋପାଳରେ ପ୍ରାୟ 500ରୁ ଅଧିକ ସଂକ୍ରମିତ ରହିଥିବାବେଳେ ଏହି ହସ୍ପିଟାଲରେ ତିନିଶହର ଅଧିକ ଲୋକଙ୍କ ଚିକିତ୍ସା କରାଯାଉଛି । (ଏଜେନ୍ସି)