ପିଣ୍ଟୁ ବିଷୋୟୀ
ଗଞ୍ଜାମ: ଫାଇଭ୍ ଟି ସଚିବ ଭି.କେ ପାଣ୍ଡିଆନ୍ ଆଜି ଗଞ୍ଜାମ ଜିଲ୍ଲା ଗସ୍ତ କରି ବିଭିନ୍ନ ବ୍ଲକରେ କରୋନା ସମୀକ୍ଷା କରିଥିବାବେଳେଅପରାହ୍ନରେ କବିସୂର୍ଯ୍ୟନଗର ବ୍ଲକ ରେ ପହଁଞ୍ଚି ନିର୍ବାଚନମଣ୍ଡଳୀର କରୋନା ସ୍ଥିତି ସମୀକ୍ଷା କରିଥିଲେ। କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ,ବିଡ଼ିଓ,ତହସିଲଦାର ଓ ସରପଞ୍ଚ ମାନଙ୍କ ସହ କରୋନା ସମ୍ପର୍କରେ ଆଲୋଚନା କରିଥିଲେ। ସଙ୍ଗରୋଧ କେନ୍ଦ୍ର, ଖାଦ୍ୟ,ଚିକିତ୍ସା ଓ ପ୍ରବାସୀଙ୍କ ସୁରକ୍ଷା ଏବଂ ସେମାନଙ୍କ ସୁବିଧା ଅସୁବିଧା ଉପରେ ପଚାରି ବୁଝିଥିଲେ। ଏଥିସହ ସେଣ୍ଟରରେ ରହୁଥିବା ଛୋଟ ଶିଶୁଙ୍କୁ ଖାଦ୍ୟ ଦେବାପାଇଁ ଉପସ୍ଥିତ ଅଧିକାରୀଙ୍କୁ କହିଥିଲେ।
ସେହିପରି ପ୍ରବାସୀ ଓଡ଼ିଆଙ୍କ ଲାଗି ଉପଯୁକ୍ତ ବ୍ୟବସ୍ଥା କରିବା ପାଇଁ ଜିଲ୍ଲାପାଳଙ୍କୁ କହିଥିଲେ|ପ୍ରବାସୀ ଓଡ଼ିଆଙ୍କ କ୍ୱାରେନଟାଇନ ଅବଧି ସମ୍ପୂର୍ଣ୍ଣ ହେବାପରେ ସେମାନଙ୍କୁ 2ହଜାର ଟଙ୍କା ପ୍ରଦାନ କରିବାକୁ ଜିଲ୍ଲାପାଳଙ୍କୁ କହିଥିଲେ। କ୍ବାରେଣ୍ଟାଇନ ସେଣ୍ଟରରେ ପରିଚାଳନା ଗତ ସମସ୍ୟା ଉପରେ ଉପସ୍ଥିତ ଅଧିକାରୀଙ୍କ ସହ ଆଲୋଚନା କରିଥିଲେ। ସେହିପରି ପଞ୍ଚାୟତର ସରପଞ୍ଚମାନଙ୍କୁ ସେମାନଙ୍କ କ୍ଷମତାକୁ ସଠିକ ଉପଯୋଗ କରିବା ପାଇଁ କହିଥିଲେ ଫାଇଭ୍ ଟି ସଚିବ। ସରକାର ନିୟମ ପାଳନ କରି ଜନସାଧାରଣ ଘରେ ରହୁନ୍ତି ବୋଲି କହିଥିଲେ ଫାଇଭ୍ ଟି ସଚିବ।
ଏହି ବୈଠକରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ, ଏସପି ବ୍ରିଜେଶ ରାୟ ଓ ଅନ୍ୟ ଉଚ୍ଚ ଅଧିକାରୀମାନ ପ୍ରମୁଖ ଉପସ୍ଥିତ ଥିଲେ।