କଳାହାଣ୍ଡି: କଳାହାଣ୍ଡି ଜିଲ୍ଲାରୁ ନୂତନ ୧୧ ପଜିଟିଭ ବାହାରିଥିବାର ସୂଚନା ମିଳିଛି। ଏନେଇ ସୂଚନା ଦେଇଛନ୍ତି କଳାହାଣ୍ଡି ଜିଲ୍ଲାପାଳ ଗାଭାଲି ପରାଗ ହର୍ଷଦ। ଏଇ ନୂତନ ଆକ୍ରାନ୍ତଙ୍କ ମଧ୍ୟରୁ ୧୦ ଜଣ ବାହାର ରାଜ୍ୟ ଫେରନ୍ତା ବୋଲି ସୂଚନା ରହିଛି। ୧୦ ଜଣ ମହାରାଷ୍ଟ୍ର, ଗୁଜୁରାଟ, ଛାତିଶଗଡରୁ ଫେରିଥିବା ବେଳେ ସମସ୍ତ ୧୦ ଜଣ କ୍ଵାରେଣ୍ଟିନରେ ଥିଲେ ବୋଲି ସୂଚନା ଦେଇଛନ୍ତି ଜିଲ୍ଲାପାଳ । ଅନ୍ୟ ଆକ୍ରାନ୍ତ ଜଣକ କ୍ଵାରେଣ୍ଟିନ କେନ୍ଦ୍ରର ଜଣେ ସୁପରଭାଇଜାର ବୋଲି ସୂଚନା ରହିଛି। ପୂର୍ବରୁ କଳାହାଣ୍ଡିରେ ୨ ଜଣ ପଜିଟିଭ ରହିଥିଲେ। ଏବେ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ସର୍ବମୋଟ ୧୩ରେ ପହଞ୍ଚିଥିବା ବେଳେ ପୂର୍ବ ୨ ଜଣ ସୁସ୍ଥ ହୋଇଛନ୍ତି। ଏବେ ଜିଲ୍ଲାରେ ୧୧ଟି ସକ୍ରିୟ ମାମଲା ରହିଛି।
ସୂଚନା ଯୋଗ୍ୟ ଆଜି ସକାଳେ ୭୪ ନୂଆ ପଜିଟିଭ ଚିହ୍ନଟ ହୋଇଥିଲେ। କଳାହାଣ୍ଡିର ନୂତନ ୧୧କୁ ମିଶାଇ ଆଜି ଗୋଟିଏ ଦିନରେ ଏପର୍ଯ୍ୟନ୍ତ ୮୫ ଜଣ ଆକ୍ରାନ୍ତ ଚିହ୍ନଟ ହେଲେଣି।
