ପୁରୀ : ଦଇତାପତି ସେବାୟତଙ୍କ କରୋନା ଟେଷ୍ଟ ହେବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ। ଆସନ୍ତା 27 ଓ 28 ତାରିଖରେ ଶ୍ରୀମନ୍ଦିର କାର୍ଯ୍ୟାଳୟରେ ସ୍ବାବ ସଂଗ୍ରହ ହେବ। ମୋଟ୍ 150 ସେବାୟତଙ୍କ କୋଭିଡ୍ ପରୀକ୍ଷା ହେବ। ପ୍ରତିଦିନ 75 ସେବାୟତଙ୍କ ପରୀକ୍ଷା ହେବ। ସ୍ବାବ ସଂଗ୍ରହ ପରେ ଚୁକ୍ତି ଅନୁସାରେ ହୋମ୍ କ୍ବାରେଣ୍ଟିନରେ ରହିବେ ସେବାୟତ। ସେହିପରି ଆସନ୍ତା 29 ଓ 30 ତାରିଖରେ ସବୁ ଗରାବଡୁ ସେବାୟତଙ୍କ କରୋନା ପରୀକ୍ଷା କରାଯିବା ଲାଗି ନିଷ୍ପତ୍ତି ହୋଇଛି। ଶ୍ରୀଜିଉଙ୍କ ସେବା କରୁଥିବା ମୋଟ 172 ଜଣଙ୍କର ନମୁନା ସଂଗ୍ରହ କରାଯିବ ଏବଂ ତିନି ତାରିଖ ସୁଦ୍ଧା ରିପୋର୍ଟ ଆସିବା ଲକ୍ଷ୍ୟ ରଖାଯାଇଛି। 5 ତାରିଖରେ ସ୍ନାନ ପୂର୍ଣ୍ଣିମା ଆଗରୁ ସବୁ ସେବାୟତଙ୍କ କରୋନା ପରୀକ୍ଷା ରିପୋର୍ଟ ଆସିବ ବୋଲି ସୂଚନା ରହିଛି। ପୂର୍ବରୁ ଶ୍ରୀଜିଉଙ୍କ ରଥ ନିର୍ମାଣ କାମରେ ନିୟୋଜିତ ସେବାୟତଙ୍କର କୋଭିଡ୍ ଟେଷ୍ଟ ହୋଇଛି।
Tags:
