ବଲିଉଡ୍ ମିଷ୍ଟର ପରଫେକ୍ଟନିଷ୍ଟ ଆମୀର୍ ଖାନ୍ ଏବେ ସୁପରହିଟ୍ ହଲିଉଡ୍ ଫିଲ୍ମ ‘ଫରେଷ୍ଟ ଗମ୍ପ୍’ର ହିନ୍ଦୀ ରିମେକ୍ରେ ନଜର ଆସିବେ । ୨୦୧୮ରେ ଫିଲ୍ମ ‘ ଦ ଠଗସ୍ ଅଫ୍ ହିନ୍ଦୁସ୍ତାନ’ ପରଦାକୁ ଆସିଥିଲା । ବିଗ୍ ବଜେଟ୍ର ଏହି ଫିଲ୍ମର ବହୁ ନାମୀଦାମୀ କଳାକାର ଥିବା ସତ୍ତ୍ବେ ଫିଲ୍ମଟି ବକ୍ସ ଅଫିସ୍ରେ ମାତ ଖାଇଯାଇଥିଲା । ଏହି ଫିଲ୍ମରେ ବିଗ୍ବି ଅମିତାଭ ବଚ୍ଚନ, କ୍ୟାଟ୍ରିନା କୈଫ୍, ଫତିମା ସାନା ଶେଖ୍ ପ୍ରମୁଖ ଅଭିନୟ କରିଥିଲେ । ଏହି ଫିଲ୍ମଟି ଫ୍ଲପ୍ ହେବା ପରେ ଆମୀର୍ ଏବେ ନିଜ ଫିଲ୍ମ କ୍ୟାରିଅର୍କୁ ନେଇ ବେଶ୍ ଯତ୍ନବାନ ହୋଇପଡିଛନ୍ତି । ତେବେ ‘ମହାଭାରତ’ ଭଳି ଏକ ବିଗ୍ ବଜେଟ୍ର ଫିଲ୍ମ ପ୍ରସ୍ତୁତି କରିବା ନେଇ ବେଶ୍ ଚର୍ଚ୍ଚାରେ ରହିଥିଲେ । କିନ୍ତୁ ମିଳିଥିବା ସୂଚନା ଅନୁସାରେ ଆମୀର୍ ଖାନ୍ ତାଙ୍କ ଡ୍ରିମ୍ ପ୍ରୋଜେକ୍ଟ ‘ମହାଭାରତ’କୁ କିଛି ସମୟ ପାଇଁ ବନ୍ଦରଖିଛନ୍ତି । ଏହା ପୂର୍ବରୁ ସେ ଏକ ହଲିଉଡ୍ ଫିଲ୍ମର ହିନ୍ଦୀ ରିମେକ୍ରେ ନଜର ଆସିବେ ବୋଲି ଜଣାପଡିଛି । ଆମୀର୍ ୧୯୯୪ ମସିହାର ସୁପରହିଟ୍ ହଲିଉଡ୍ ଫିଲ୍ମ ‘ଫରେଷ୍ଟ ଗମ୍ପ୍’ର ହିନ୍ଦୀ ରିମେକ୍ କରିବେ ବୋଲି ଜଣାପଡିଛି । ‘ଫରେଷ୍ଟ ଗମ୍ପ୍’ ୧୯୮୬ ମସିହାର ଉଇନ୍ଷ୍ଟନ୍ ଗ୍ରୁମ୍ଙ୍କ ଲୋକପ୍ରିୟ ଉପନ୍ୟାସ ‘ଫରେଷ୍ଟ ଗମ୍ପ୍’କୁ ନେଇ ଏହା ପ୍ରସ୍ତୁତ କରାଯାଇଥିଲା ।
