ଭୁବନେଶ୍ବର : ରାଜ୍ୟରେ ରହିଥିବା 6ଟି ବିଶ୍ବ ବିଦ୍ୟାଳୟର କୁଳପତିଙ୍କ କାର୍ଯ୍ୟକାଳ ଅବଧି ବୃଦ୍ଧି କରାଯାଇଛି । କରୋନା ସ୍ଥିତି କାରଣରୁ ଆସନ୍ତା ତିନି ମାସ ପର୍ଯ୍ୟନ୍ତ ସମସ୍ତ କୁଳପତିଙ୍କ କାର୍ଯ୍ୟକାଳ ବୃଦ୍ଧି କରାଯାଇଛି । ବୁଧବାର ଏନେ ରାଜ୍ୟ ସରକାରଙ୍କ ପକ୍ଷରୁ ବିଦ୍ଧିବଦ୍ଧ ଭାବରେ ଘୋଷଣା କରାଯାଇଛି । ଜିଏମ୍ ୟୁନିଭର୍ସିଟି, ଫକୀରମୋହନ ୟୁନିଭର୍ସିଟି, ଉତ୍ତର ଓଡିଶା ୟୁନିଭର୍ସିଟି, ଉତ୍କଳ ୟୁନିଭର୍ସିଟି, ଖଲ୍ଲିକୋଟ ୟୁନିଭର୍ସିଟି ଏବଂ ରମାଦେବୀ ୟୁନିଭର୍ସିଟିର କୁଳପତି ମାନଙ୍କ କାର୍ଯ୍ୟକାଳ ଅବଧିକୁ ବୃଦ୍ଧି କରାଯାଇଛି । କାର୍ଯ୍ୟକାଳ ଅବଧି ବୃଦ୍ଧି ନିମନ୍ତେ ରାଜ୍ୟ ଉଚ୍ଚଶିକ୍ଷା ବିଭାଗ ପକ୍ଷରୁ ସୁପାରିଶ କରାଯାଇଥିବା ବେଳେ ଆଜି ଏହାକୁ ମଞ୍ଜୁରୀ ମିଳିଥିଲା ।
