ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର : ପୁଣି ମାତିଲେ ଚୋର ଓ ଡକାୟତ । ଗତକାଲି ସ୍ଥାନୀୟ ହିଲପାଟଣାରେ ଏକ କ୍ଷୀର ବ୍ୟବସାୟୀଙ୍କ ଘରୁ ଡକାୟତ ଓ ହତ୍ୟା ପରେ ଆଜି ପୁଣି ଏକ ମହିଳାଙ୍କ ବେକରୁ 30 ଗ୍ରାମ ଓଜନର ସୁନା ଚେନ ଲୁଟି ନେଇଛନ୍ତି ଲୁଟେରା । ଏକ କଳା ପଲ୍ସରରେ ଆସି ବଡବଜାର ଥାନା ଅନ୍ତର୍ଗତ କେ ସାବିତ୍ରୀ ନାମକ 71 ବର୍ଷୀୟା ମହିଳାଙ୍କ ଠାରୁ ଚେନ ଲୁଟି ନେଇଛନ୍ତି । ପ୍ରେମନଗର ହରୀକୃଷ୍ନ ନଗର ପ୍ରଥମ ଗଳିରେ ରହୁଥିବା ସାବିତ୍ରୀ ଫୁଲ ତୋଳିବା ପାଇଁ ଯାଇଥିବା ବେଳେ ଏହି ଅଭାବନୀୟ କାଣ୍ଡ ଘଟିଛି । ଲୁଟେରାଙ୍କ ଲୁଟ ପ୍ରୟାସ ସମୟରେ ସାବିତ୍ରୀ ତଳେ ପଡି ସାମାନ୍ୟ ଆହତ ହୋଇଛନ୍ତି । ଏହି ଘଟଣା ସମ୍ପର୍କରେ ମାମଲା ରୁଜୁ କରାଯିବା ପରେ ପୋଲିସ୍ ତଦନ୍ତ ଜାରି ରଖିଛି ।
Tags:
