ଭୁବନେଶ୍ବର : ଆସନ୍ତାକାଲିଠାରୁ ମଦ ଦୋକାନ କାଉଣ୍ଟରରେ ମିଳିବ ମଦ । ବିଦେଶୀ ମଦ, ବିୟର ଦୋକାନ କାଉଣ୍ଟରରେ ମିଳିବ । ସକାଳ 7ଟାରୁ ସନ୍ଧ୍ୟା 6ଟା ଯାଏ ପର୍ଯ୍ୟନ୍ତ ଦୋକାନ ଖୋଲାଯିବ ବୋଲି ସୂଚନା ରହିଛି । ସେହିପରି ଓ୍ବାଇନ୍, ବିୟର୍, ଦେଶୀ ଓ ବିଦେଶୀ ମଦ ବିକ୍ରି କିଣିପାରିବେ ଗ୍ରାହକ । ଧାର୍ଯ୍ୟ ମୂଲ୍ୟ ଅନୁସାରେ ମଦ ବିକ୍ରି ହେବ । ସନ୍ଧ୍ୟାକାଳୀନ ଭିଡକୁ ଏଡାଇବା ପାଇଁ 6ଟା ପର୍ଯ୍ୟନ୍ତ ମିଳିବ । ହୋମ୍ ଡେଲିଭରିରେ ବି ମଦ ମିଳିବ । ସେହିପରି ଦେଶୀ ମଦ ମଧ୍ୟ ଏବେ ହୋମ୍ ଡେଲିଭରୀ ହୋଇପାରିବ ବୋଲି ସୂଚନା ରହିଛି । ଆବଶ୍ୟକ ପଡିଲେ ବ୍ୟାରିକେଡ୍ ଲଗାଯାଇ ମଦ ବିକ୍ରି ହେବ ବୋଲି ସୂଚନା ରହିଛି । ସେହିପରି କାଉଣ୍ଟରରେ ଭିଡ କମାଇବାକୁ ଇ-ଟୋକନ୍ ବ୍ୟବସ୍ଥା କରାଯାଇଛି । ପୋର୍ଟାଲ୍ରେ ସ୍ଲଟ ବୁକିଂ କରି ଟୋକନ୍ ପାଇ ପାରିବେ । ଟୋକନ୍ ଦେଖାଇ ଜଣେ ଜଣେ ମଦ ଆଣିପାରିବେ । ଇ-ଟୋକନ୍ କିଭଳି ମିଳିବ ସେନେଇ ଡିସ୍ପ୍ଲେ କରିବେ ଦୋକାନୀ । ସେହିପରି ସାମାଜିକ ଦୂରତ୍ବ ଯେପରି ଭଙ୍ଗ ନହେବ, ସେନେଇ ଦୋକାନୀ ଦୃଷ୍ଟି ଦେବେ ବୋଲି ସୂଚନା ରହିଛି ।
