ପୁରୀ, ଆଜି ସନ୍ଧ୍ୟାରେ ପୁରୀ ବଡଦାଣ୍ଡରେ ମହାପ୍ରଭୁ ଶ୍ରୀ ଜଗନ୍ନାଥ, ଶ୍ରୀ ବଳଭଦ୍ର ଓ ଦେବୀ ସୁଭଦ୍ରାଙ୍କ ରଥରେ ଅଧରପଣା ନୀତି ସମ୍ପନ୍ନ ହୋଇଛି। ବାହୁଡାଯାତ୍ରା ପରେ ରଥରେ ସଂଲଗ୍ନ ଦେବୀ ଦେବତାଙ୍କୁ ମହାପ୍ରଭୁଙ୍କ ଅଧରଲାଗି ପଣା ସମର୍ପଣ କରା ଯାଇଥାଏ। ଚତୁର୍ଦ୍ଧା ମୂର୍ତ୍ତିଙ୍କ ଅଧର ସ୍ପର୍ଶ କରୁଥିବା ବିଶାଳ ମାଟି ପାତ୍ରରେ ସୁସ୍ଵାଦୁ ପଣା ଭୋଗ ପରେ ଏହି ପାତ୍ରସବୁକୁ ରଥ ଉପରେ ଭାଙ୍ଗି ଦିଆଯାଏ। ପରମ୍ପରା ଅନୁସାରେ ଏହା ରଥର ପାର୍ଶ୍ଵ ଦେବାଦେବୀଙ୍କୁ ଅର୍ପଣ କରାଯାଇଥାଏ। ଏହାପରେ ନୀଳାଦ୍ରୀବିଜେରେ ତିନି ଠାକୁର ଶ୍ରୀମନ୍ଦିର ବିଜେ କରିବେ।
Tags: Adhara Pana, ଅଧର ପଣା
