ଭୁବନେଶ୍ବର: ଗଞ୍ଜାମ ଜିଲ୍ଲାର କୌଣସି ଷ୍ଟେସନରେ ପାସେଞ୍ଜର ଟ୍ରେନ ରହିବ ନାହିଁ। ଗୋଟିଏ ଟ୍ରେନ ବାତିଲ କରିବା ସହ ରହଣୀ ଉପରେ କଟକଣା ଲଗାଇଲା ରେଳବାଇ ବିଭାଗ। ଭୁବନେଶ୍ବର-ବ୍ରହ୍ମପୁର-ଭୁବନେଶ୍ବର ସ୍ପେଶାଲ ଟ୍ରେନ ବାତିଲ କରି ଦିଆଯାଇଛି। ଆଉ ଦୁଇଟି ଏକ୍ସପ୍ରେସ ଟ୍ରେନର ଗଂଜାମ ଜିଲ୍ଲାରେ ରହଣୀ ମଧ୍ୟ ବାତିଲ କରି ଦିଆଯାଇଛି। ଏହି ଟ୍ରେନ ଦୁଇଟି ହେଲା ଭୁବନେଶ୍ବର-ଛତ୍ରପତି ଶିବାଜୀ ଟର୍ମିନସ କୋଣାର୍କ ଏବଂ ହାୱଡା-ସିକନ୍ଦରାବାଦ-ସ୍ପେଶାଲ । ଏହି ଦୁଇ ଏକ୍ସପ୍ରେସ ଟ୍ରେନ ବାଲୁଗାଁ, ଛତ୍ରପୁର, ବ୍ରହ୍ମପୁରରେ ରହିବନି।
ଜିଲ୍ଲାରେ ବଢୁଥିବା କରୋନା ସଂକ୍ରମଣ ଦୃଷ୍ଟିରୁ ରେଳବାଇ ଏଭଳି ପଦକ୍ଷେପ ନେଇଛି। ପରବର୍ତ୍ତୀ ନିର୍ଦେଶନାମା ପର୍ଯ୍ୟନ୍ତ ଟ୍ରେନ ରହଣୀ ଉପରେ କଟକଣା ବଳବତ୍ତର ରହିବ। ଗଂଜାମ ଜିଲ୍ଲା ଦେଇ ଯାଉଥିବା ଟ୍ରେନ ରହଣୀ ଉପରେ କଟକଣା ଲଗାଇବାକୁ ରାଜ୍ୟ ସରକାର ଚିଠି କରି ଜଣାଇଥିଲେ। ଏହି ଚିଠି ପାଇବା ପରେ ପୂର୍ବତଟ ରେଲୱେ ଏହି କଟକଣା ଲଗାଇଛି।