ଭୁବନେଶ୍ବର : ଆଜି ଭୁବନେଶ୍ବରରୁ 60 ପଜିଟିଭ୍ ଚିହ୍ନଟ ହୋଇଛନ୍ତି । ଚିହ୍ନଟ 60 ଆକ୍ରାନ୍ତଙ୍କ ମଧ୍ୟରୁ 40 ଜଣ କ୍ବାରେଣ୍ଟାଇନ୍ରୁ ଚିହ୍ନଟ ହୋଇଥିବାବେଳେ 20ଟି ଲୋକାଲ୍ କେସ୍ ରହିଛି ବୋଲି ବିଏମ୍ସି ଟୁଇଟ୍ ଯୋଗ ସୂଚନା ଦେଇଛି ।
ଆଜି ଲୋକାଲ୍ 20 କେସ୍ ମଧ୍ୟରୁ ଭୀମଟାଙ୍ଗି, ଜାଗମରା, ବମିଖାଲରୁ, ନୟାପଲ୍ଲୀ ଆଇଆରସି ଭିଲେଜ, ସାଲିଆ ସାହି, ସମ୍ ହସ୍ପିଟାଲ ନିକଟ ଶ୍ୟାମପୁର, ଘାଟିକିଆ, ବମିଖାଲ, ପଟିଆରୁ ଜଣେ ଜଣେ ଲେଖାଏଁ ଲୋକାଲ୍ କେସ୍ ଥିବା ବେଳେ ବିଶେଶ୍ବର ବସ୍ତିରୁ 2 ଜଣ ପୁରୁଷ ରହିଛନ୍ତି । ସେହିପରି ଜୟଦେବ ବିହାରରୁ ମଧ୍ୟ ଦୁଇ ଜଣ ରହିଛନ୍ତି । ସରକାରୀ ହସ୍ପିଟାଲରୁ ତିନିଜଣ କର୍ମଚାରୀ ରହିଛନ୍ତି । ସେଣ୍ଟ୍ରାଲ୍ ସରକାରୀ ହସ୍ପିଟାଲରୁ ଜଣେ କର୍ମଚାରୀ ରହିଛନ୍ତି ।
ଆଜି 18 ଜଣ ସୁସ୍ଥ ହୋଇଥିବାବେଳେ ନୂତନ 60 ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରେ ଆକ୍ରାନ୍ତଙ୍କ ସଂଖ୍ୟା 919ରେ ପହଞ୍ଚିଛି । ସେହିପରି ମୃତ୍ୟୁ ସଂଖ୍ୟା 11କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି 403 ଜଣ । ଏବେ ସୁଦ୍ଧା ଭୁବନେଶ୍ବରରେ 504 ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।
