ବିହାର : ପୁଣି ଥରେ ନେପାଳ ପୋଲିସ୍ର ଦାଦାଗିରି ଦେଖିବାକୁ ମିଳିଛି । ରବିବାର ନେପାଳ ପୋଲିସ୍ ବିହାର ସୀମାରେ ଥିବା କିସନଗଞ୍ଜରେ ତିନି ଭାରତୀୟଙ୍କୁ ଉପରକୁ ଗୁଳି ଚଳାଇଛି । ଏଥିରେ ଜଣେ ଭାରତୀୟ ଗୁରୁତର ଆହତ ହୋଇଛନ୍ତି । ଆହତ ତିନି ଭାରତୀୟ ନାଗରିକ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଛି । ତେବେ କାହିଁକି କେଉଁ ପରିସ୍ଥିତିରେ ଫାୟାରିଂ ହୋଇଛି ତାହାର ତଦନ୍ତ ଚାଲିଚି । ନିକଟରେ ଭାରତର କଳାପାଣି, ଲିପୁଲେଖ ଏବଂ ଉତ୍ତରାଖଣ୍ଡର ଲିମ୍ପିୟାଧୁରାକୁ ନେଇ ନେପାଳ ସହିତ ସୀମା ବିବାଦ ଜାରି ରହିଛି । ଗତ ମାସରେ ମଧ୍ୟ ନେପାଳ ସୀମାରେ ଥିବା ବିହାରର ସୀତାମରହିରେ ନେପାଳ ପୁଲିସ୍ ଗୁଳି ଚଳାଇଥିଲା । ଏଥିରେ ଜଣେ ଭାରତୀୟଙ୍କର ମୃତ୍ୟୁ ଘଟିଥିବାବେଳେ ଦୁଇଜଣ ଆହତ ହୋଇଥିଲେ ।
