ଆନ୍ଧ୍ରପ୍ରଦେଶ : କରୋନା ସଂକ୍ରମଣର ଭୟ ଏପରି ମଣିଷକୁ ଘାରିଛି ଯେ, ଲୋକେ ରୋଗ ସହିତ ରୋଗୀଙ୍କୁ ଘୃଣା କରିବା ଆରମ୍ଭ କରିଛନ୍ତି । ଏପରିକି କରୋନା ମୃତକଙ୍କ କ୍ରିୟାକର୍ମ କରିବାକୁ ଅନୁମତି ମିଳିପାରୁନାହିଁ । କରୋନା ଭୟ ଆମର ସଭ୍ୟ ମାନସିକତାକୁ ମାରି ସାରିଛି । ଏହାର ଏକ ନଗ୍ନ ଉଦାହରଣ ଆନ୍ଧ୍ରପ୍ରଦେଶରୁ ଦେଖିବାକୁ ମିଳିଛି ।
ଆନ୍ଧ୍ରପ୍ରଦେଶର କୁରୁନୁଲ୍ ଜିଲ୍ଲର ଜଣେ ବ୍ୟକ୍ତି ତାଙ୍କ ନବଜାତ ଶିଶୁର ମୃତ୍ୟୁ ହେବା ପରେ ତାଙ୍କୁ ଶ୍ମଶାନରେ ପୋତିବା ପାଇଁ ନେଇଥିଲେ । କିନ୍ତୁ ସେଠାକାର ଗ୍ରାମବାସୀ ସଂକ୍ରମଣ ଡରରେ ନବଜାତକୁ ପୋତିବାକୁ ଦେଇନଥିଲେ । ଏହାପରେ ବ୍ୟକ୍ତି ଜଣକ ଗ୍ରାମର ଏକ ନାଳରେ ଶିଶୁର ଶବଟିକୁ ଫୋପାଡି ଦେଇଥିଲେ ।
ମିଳିଥିବା ସୂଚନା ଅନୁସାରେ ଏହି ଘଟଣାର ନଧାଲ୍ ବ୍ଲର ଚୋବାଲୁ ଗ୍ରାମର ଘଟଣା। ଶନିବାର ଦିନ ଜୁଲାଇ 18 ତାରିଖରେ ଶମ୍ସ ବାଲୀ ନାମକ ଜଣେ ବ୍ୟକ୍ତିଙ୍କ ପତ୍ନୀ ନଧାଲ୍ ହସ୍ପିଟାଲରେ ଏକ ଶିଶୁର ଜନ୍ମ ଦେଇଥିଲେ । କିନ୍ତୁ ଜନ୍ମ ପୂର୍ବରୁ ଶିଶୁଟି ମୃତ୍ୟୁବରଣ କରିଥିଲା । ଏହାପରେ ଶିଶୁଟିର ପିତା ଶିଶୁର ଶବକୁ ଗ୍ରାମର ଶ୍ମଶାନ ଘାଟରେ ପୋତିବା ପାଇଁ ଚାହିଁଥିଲେ । ଏଥିପାଇଁ ସେ ଗ୍ରାମର ବରିଷ୍ଠ ଲୋକଙ୍କ ସହିତ ସମ୍ପର୍କ କରିଥିଲେ । କିନ୍ତୁ ଏଥିପାଇଁ ତାଙ୍କୁ ଅନୁମତି ମିଳିନଥିଲା । ତା’ପରେ ବ୍ୟକ୍ତିଜଣକ ନାଳରେ ଶିଶୁର ଶବଟିକୁ ଫୋପାଡି ଦେଇଥିଲେ । ନାଳରେ ଶିଶୁର ଶବ ଭାସୁଥିବାର ଦେଖି କେହି ପୋଲିସରେ ଖବର ଦେଇଥିଲେ । ଏହା ପରେ ପୋଲିସ୍ ଉକ୍ତ ବ୍ୟକ୍ତିଙ୍କ ନିକଟରେ ପହଞ୍ଚିବା ସହ ଗ୍ରାମବାସୀଙ୍କୁ ବୁଝାଇଥିଲେ । ଏହାପରେ ଶ୍ମଶାନ ଘାଟରେ ଶିଶୁଟିର ଶବକୁ ପୋତାଯାଇଥିଲା ।
