ଭୁବନେଶ୍ବର, ଆଜି ରାଜ୍ୟରେ ଆଉ 643 ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଗଂଜାମ ଜିଲ୍ଲାରୁ ସର୍ବାଧିକ 407 ଜଣ ଆକ୍ରାନ୍ତ ସୁସ୍ଥ ହୋଇଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଖୋର୍ଦ୍ଧାରୁ 44, ବାଲେଶ୍ବରରୁ 31, ମୟୂରଭଂଜରୁ 28, କଟକରୁ 27, ଜଗତସିଂହପୁରରୁ 15, ବରଗଡ଼ ଓ କନ୍ଧମାଳରୁ 14 ଲେଖାଏଁ ସୁସ୍ଥ ହୋଇଛନ୍ତି।
ଢେଙ୍କାନାଳ ଓ କେନ୍ଦୁଝରରୁ 11 ଲେଖାଏଁ, ଭଦ୍ରକରୁ 8 ସୁସ୍ଥ, ଗଜପତିରୁ 6, ବଲାଙ୍ଗିର ଓ ଝାରସୁଗୁଡ଼ାରୁ 5 ଲେଖାଏଁ ସୁସ୍ଥ ହୋଇଛନ୍ତି। ଯାଜପୁର ଓ ସୁନ୍ଦରଗଡରୁ 4, କେନ୍ଦ୍ରାପଡ଼ା ଓ କୋରାପୁଟରୁ 3 ଲେଖାଏଁ, ସମ୍ବଲପୁରରୁ 2 ଏବଂ ଅନୁଗୁଳରୁ ଜଣେ ସୁସ୍ଥ ହୋଇଛନ୍ତି। ରାଜ୍ୟରେ ଏଯାବତ ମୋଟ ଆରୋଗ୍ୟ ସଂଖ୍ୟା 14 ହଜାର 392ରେ ପହଞ୍ଚିଛି।