ନୂଆଦିଲ୍ଲୀ: ଆଜି କେନ୍ଦ୍ର ସରକାର “ଅନଲକ-୩” ପାଇଁ ନୂତନ ନିର୍ଦ୍ଦେଶନାମା ଜାରି କରିଛନ୍ତି। ନୂଆ ନିୟମ ଅନୁଯାୟୀ କେବଳ “କଣ୍ଟେନମେଣ୍ଟ ଜୋନ” ରେ ଲକ ଡାଉନ ଆସନ୍ତା ଅଗଷ୍ଟ ୩୦ ପର୍ୟନ୍ତ ଅବ୍ଯାହତ ରହିବ। ଅଗଷ୍ଟ ୧ ତାରିଖରୁ ଦେଶରେ ଆଉ ରାତ୍ରୀକାଳୀନ କର୍ଫ୍ଯୁ ଲାଗୁହେବ ନାହିଁ ବୋଲି କେନ୍ଦ୍ର ସରକାରଙ୍କ ଗୃହ ମନ୍ତ୍ରଣାଳୟ କହିଛି। ଅଗଷ୍ଟ ୫ ତାରିଖ ପରେ ଜିମ୍ନାସିୟମ ବା ବ୍ୟାୟାମଶାଳା ଓ ଯୋଗ କେନ୍ଦ୍ର ଗୁଡିକ ନିର୍ଦ୍ଦିଷ୍ଟ କଟକଣା ପାଳନ କରି ଖୋଲି ପାରିବେ। ତେବେ ପୂର୍ବପରି ସ୍କୁଲ, କଲେଜ, ସିନେମା ହଲ, ମେଟ୍ରୋ ରେଳ, ସ୍ଵିମିଂ ପୁଲ, ଅଡିଟୋରିୟମ, ଗହଳି ସୃଷ୍ଟିକାରୀ କାର୍ଯକ୍ରମ ଇତ୍ୟାଦି ଉପରେ କଟକଣା ବଳବତ୍ତର ରହିବ। କୋଭିଡ ନିୟମ ମାନି ସବୁସ୍ତରରେ ଅଗଷ୍ଟ-୧୫ ତାରିଖରେ ସ୍ଵାଧୀନତା ଦିବସ ପାଳନ କରାଯାଇ ପାରିବ।
Tags:
