ଚୀନ୍ : ଚଟ୍ପଟି ମସଲାଦାର ଖାଦ୍ୟ ଖାଇବାକୁ କାହାକୁ ବା ନ ଭଲ ଲାଗେ । କିନ୍ତୁ ଏହି ଚଟ୍ପଟି ରାଗ ଖାଦ୍ୟ ଖାଇବା କେତେ ମହଙ୍ଗା ହୋଇପାରେ ଆପଣ ଜାଣିପାରିବେ ନାହିଁ । ଚୀନ୍ର ଜଣେ ବ୍ୟକ୍ତି ଚଟ୍ପଟି ମୋମୋକୁ ଦେଖି ନିଜ ଲୋଭ ସମ୍ବରଣ କରି ନପାରି ଚଟ୍ପଟି ରାଗ ମସଲାଦାର ମୋମୋ ଖାଇଥିଲେ । କିନ୍ତୁ ଏହି ମୋମୋ ତାଙ୍କ ପାଇଁ ବେଶ୍ ମହଙ୍ଗା ସାବ୍ୟସ୍ତ ହୋଇଛି । ଉତ୍କଟ ରାଗଯୁକ୍ତ ମୋମୋ ଖାଇବାର ପରେ ତାଙ୍କ ପେଟରେ ଜ୍ବଳନ ହେବା ସହ ତାଙ୍କ ପେଟର ଅନ୍ତ ଫାଟି ଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲ ନିଆଯାଇଥିଲା । ସେଠାରେ ଡାକ୍ତରଙ୍କ ବହୁ ପରିଶ୍ରମ ପରେ ତାଙ୍କ ଜୀବନ ବଞ୍ଚି ପାରିଛି ।
ଏହି ପରି ଏକ ଘଟଣା ଚୀନ୍ର ଜିଆଙ୍ଗ୍ସୁ ପ୍ରାନ୍ତରେ ଘଟିଛି । ଏହି ଘଟଣାଟି ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହୋଇଛି । ମିଳିଥିବା ସୂଚନା ଅନୁସାରେ 63 ବର୍ଷୀୟ ଓ୍ବାଙ୍ଗ୍ ରାତ୍ର ଖାଦ୍ୟରେ ଉଚ୍ଚ ରାଗବାଲା ମୋମୋଜ ଖାଇଥିଲେ । ଏହାପରେ ଧୀରେ ଧୀରେ ତାଙ୍କ ପେଟରେ ଯନ୍ତ୍ରଣା ହେବାରେ ଲାଗିଲା । ଏହା ପରେ ତାଙ୍କ ପେଟରେ କିଛି ଶବ୍ଦ ଶୁଣାଗଲା । ଧୀରେ ଧୀରେ ତାଙ୍କ ସ୍ବାସ୍ଥ୍ୟବସ୍ଥା ବିଗିଡି ଗଲା । ତାଙ୍କୁ ତତ୍କ୍ଷଣାତ ହସ୍ପିଟାଲ ନିଆଟାଇଥିଲା । ସେଠାରେ ଡାକ୍ତର ତାଙ୍କୁ ପରୀକ୍ଷା କରିବା ପରେ ଜାଣିଥିଲେ ଯେ ବେଶୀ ରାଗଯୁକ୍ତ ମୋମୋ ଖାଇ ତାଙ୍କ ପେଟରେ ଗ୍ୟାସ ହୋଇଯାଇଛି ଓ ଖାଦ୍ୟଗୁଡିକ ଅନ୍ତ ନଳୀରେ ଫସି ରହିଥିଲା। ଗ୍ୟାସ ହେବା ପରେ ପ୍ରେସର ଯୋଗୁଁ ଅନ୍ତ ଫାଟି ଯାଇଥିଲା । ଓ୍ବାଙ୍ଗଙ୍କୁ ପୂର୍ବରୁ ପେଟ ଓ ହଜମ ଜନିତ ସମସ୍ୟା ରହିଥିବାବେଳେ ଡାକ୍ତର ତାଙ୍କୁ ମସଲାଦାର ଖାଦ୍ୟ ଖାଇବାକୁ ବାରଣ କରିଥିଲେ । କିନ୍ତୁ ଡାକ୍ତରଙ୍କ ପରାମର୍ଶ ନ ମାନି ଓ୍ବାଙ୍ଗ ରାଗ ମସଲା ଯୁକ୍ତ ମୋମୋ ଖାଇ ବଡ କ୍ଷତିରେ ପଡିଛନ୍ତି । (ଏଜେନ୍ସି)