ଅଯୋଧ୍ୟା, ବହୁ ପ୍ରତିକ୍ଷିତ ଶ୍ରୀରାମ ମନ୍ଦିର ଭୂମି ପୂଜା ପାଇଁ ବର୍ତ୍ତମାନ ଅଯୋଧ୍ୟା ନଗରୀ ସଜେଇ ହୋଇ ପଡିଛି। ଏହି ଭୂମିପୂଜା ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦବେନ ପଟେଲ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ,ଆରଏସଏସ ମୁଖ୍ୟ ମୋହନ ଭାଗବତ ପ୍ରମୁଖ ଯୋଗଦେବେ।
ସେଥିପାଇଁ ପୁରା ଅଯୋଧ୍ୟାକୁ ସୁରକ୍ଷା କବଳକୁ ନିଆଯାଇଛି। ଯେହେତୁ ସେହି ସ୍ଥାନଟି ବହୁ ବର୍ଷ ଧରି ବିବାଦୀୟ ହୋଇ ରହିଥିଲା। ସେଥିପାଇଁ ପ୍ରଧାନମନ୍ତ୍ରୀଙ୍କ ଗସ୍ତକୁ ରଖି ତ୍ରିସ୍ତରୀୟ ସୁରକ୍ଷା କରାଯାଇଛି। ଗତ ସୋମବାରଠାରୁ ଅଯୋଧ୍ୟାକୁ ସିଲ କରାଯାଇଛି। ମନ୍ଦିର ସ୍ଥଳରେ କମାଣ୍ଡୋମାନେ ପଇଁତରା ମାରୁଛନ୍ତି। ପ୍ରଧାନମନ୍ତ୍ରୀ ବୁଧବାର ସକାଳେ ଭୂମିପୂଜା ଉତ୍ସବରେ ଯୋଗଦେବେ।
