କଟକ : ଏଣିକି ପ୍ରତ୍ୟେକ ବୁଧବାର ଦିନ କଟକ ମାଲଗୋଦାମ ବନ୍ଦ ରହିବ ବୋଲଇ ସିଏମ୍ସି ସୂଚନା ଦେଇଛି । ମାଲ୍ଗୋଦାମ ନିକଟରେ ଥିବା ବେହେରା ସାହିରୁ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ ସିଏମ୍ସି ଏପରି ପଦକ୍ଷେପ ନେଇଛି । ତେବେ 3ଟି ପର୍ଯ୍ୟାୟରେ ମାଲଗୋଦାମ ଖୋଲିବାକୁ ସିଏମ୍ସି ନିଷ୍ପତ୍ତି ନେଇଛି । ଅଣଅତ୍ୟାବଶ୍ୟକ ଦୋକାନଗୁଡିକ ସକାଳ 7ରୁ 10ଟା ଯାଏ ଖୋଲିବ । ସେହିପରି ଅତ୍ୟାବଶ୍ୟକ ସାମଗ୍ରୀର ହୋଲ୍ସୋଲର ମାନେ ସକାଳ 10ଟାରୁ 2ଟା ଯାଏ ଖୋଲିବ । ସେହିପରି ଅତ୍ୟାବଶ୍ୟକ ଜିନିଷ ବିକ୍ରି କରୁଥିବା ଖୁଚୁରା ଦୋକାନଗୁଡିକ ଦିନ 2ଟାରୁ ରାତି 8ଟାଏ ଯାଏ ଖୋଲା ରହିବ । କଟକ ଚାମ୍ବର ଅଫ୍ କମର୍ସର ଚିଠି ଆଧାରରେ ସିଏମ୍ସି ଏଭଳି ନିଷ୍ପତ୍ତି ନେଇଛି । ପରବର୍ତ୍ତୀ ନିର୍ଦ୍ଦେଶନାମା ଯାଏ ମାଲଗୋଦାମ ପ୍ରତି ବୁଧବାର ଦିନ ବନ୍ଦ ରହିବ ବୋଲି ସିଏମ୍ସି ପକ୍ଷରୁ ନିଷ୍ପତ୍ତି ନିଆଯାଇଛି ।
ସୂଚନାଯୋଗ୍ୟ, ଗତକାଲି କଟକ ମାଲଗୋଦାମ କଣ୍ଟନମେଣ୍ଟ ଅଞ୍ଚଳରୁ 112 ଜଣ ଆକ୍ରାନ୍ତ ଚିହ୍ନଟ ହୋଇଥିଲେ।
