ଭୁବନେଶ୍ବର : ଆଜି ରାଜଧାନୀ ଭୁବନେଶ୍ବରରୁ 109 ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ମୋଟ୍ 109 ସଂକ୍ରମିତଙ୍କ ମଧ୍ୟରୁ 60 ଜଣ କ୍ବାରେଣ୍ଟାଇନ୍ରୁ ଚିହ୍ନଟ ହୋଇଥିବାବେଳେ 49ଜଣ ଲୋକାଲ୍ କଣ୍ଟାକ୍ଟ କେସ୍ ବୋଲି ବିଏମ୍ସି ଟୁଇଟ୍ ଯୋଗେ ସୂଚନା ଦେଇଛି ।
ଆଜି କ୍ବାରେଣ୍ଟାଇନ୍ରୁ ଚିହ୍ନଟ ହୋଇଥିବା 60ଜଣଙ୍କ ମଧ୍ୟରେ ଏକ ପ୍ରାଭଭେଟ୍ ହସ୍ପିଟାଲର 3 ଜଣ କର୍ମଚାରୀ ଥିବବେଳେ ୟୁନିଟ୍-6 ଗଙ୍ଗନଗରରୁ 3 ଜଣ ରହିଛନ୍ତି। ସେହିପରି ଅନ୍ୟ ଏକ ଘରୋଇ ହସ୍ପିଟାଲରୁ 3 ଜଣ କର୍ମଚାରୀ ରହିଛନ୍ତି । ରାମେଶ୍ବର ପାଟଣାରୁ 4 ଜଣ ରହିଥିବାବେଳେ ସ୍ବାସ୍ଥ୍ୟ ବିଭାଗର 3 ଜଣ କର୍ମଚାରୀ ରହିଛନ୍ତି । ସୁନ୍ଦରପଦାରୁ 2 ଜଣ ରହିଥିବାବେଳେ ଚନ୍ଦ୍ରଶେଖରପୁରରୁ 3 ଜଣ ରହିଛନ୍ତି । ନ୍ୟୁ ଫରେଷ୍ଟ ପାର୍କ ଅଞ୍ଚଳରୁ 4 ଜଣ ରହିଥିବାବେଳେ ଡେଲ୍ଟା ସ୍କୋୟାରରୁ 2 ଜଣ ରହିଛନ୍ତି ।
ସେହିପରି ଚିହ୍ନଯ 49 ଜଣ ଲୋକାଲ୍ କଣ୍ଟାକ୍ଟ କେସ୍ ମଧ୍ୟରୁ ନୟାପଲ୍ଲୀ, ଛଅ ପମ୍ବର, ଲକ୍ଷ୍ମୀସାଗର, ଆଇଆରସି ଭିଲେଜ, ବାଣୀବିହାର ପଥରମୁଣ୍ଡି ବସ୍ତି, ଏକ ନମ୍ବର ମାର୍କେଟ୍, ନୟାପଲ୍ଲ, ସିଆରଏଫ୍ କ୍ୟାମ୍ପସ୍, ବରମକୁଣ୍ଡା ହାଉସିଂ ବୋର୍ଡ କଲଷାନୀ, ଖାରବେଳ ନଗର ପ୍ରେସ୍ କଲୋନୀ, ଓଲ୍ଡ ଟାଉନ୍, ଭରତପୁର, ସମେଇଗାଡିଆ, ଝାରପଡା, ମୈତ୍ରୀ ବିହାର, ଜୟେଦବ ବିହାର, ସହିଦନଗର ନୂଆ ଗାଁ ଉପରସାହି, ଭୀମଟାଙ୍କି ଆଦି ଅଞ୍ଚଳରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ବୁଦ୍ଧେଶ୍ବରୀ କଲୋନୀରୁ ଦୁଇଜଣ, ବରମୁଣ୍ଡାରୁ ଦୁଇଜଣ, ବିବେକାନନ୍ଦ ମାର୍ଗରୁ ତିନିଜଣ, ବରଗଡରୁ 4ଜଣ, ବିଡିଏ କଲୋନୀରୁ 2 ଜଣ ଚିହ୍ନଟ ହୋଇଛନ୍ତି ।
ଆଜି ଭୁବନେଶ୍ବରରୁ 134 ଜଣ ସୁସ୍ଥ ହୋଇଥିବାବେଳେ ନୂତନ 109 ଆକ୍ରାନ୍ତଙ୍କୁ ମିଶାଇ ଭୁବନେଶ୍ବର ମହାନଗରର ମୋଟ୍ ସଂକ୍ରମିତଙ୍କ ସଂଖ୍ୟା 4 ହଜାର 171କୁ ବୃଦ୍ଧି ହୋଇଛି । ସେହିପରି 2807ଜଣ ସୁସ୍ଥ ହୋଇଥିବାବେଳେ 22 ଜଣଙ୍କର ମୃତ୍ୟୁ ଘଟିଛି । ଏବେ ସୁଦ୍ଧା 1 ହଜାର 339ଜଣ ସକ୍ରିୟ ମାମଲା ରହିଛି ।
