ସୀତାରାମ ଅଗ୍ରଓ୍ବାଲ
ଟାଙ୍ଗୀ : ୧୬ ନଂ ଜାତୀୟ ରାଜପଥ ବେଣ୍ଟ ଛକ ନିକଟରେ ବାଇକ୍ ଦୁର୍ଘଟଣାରେ ଜଣେ ମୃତ ହୋଇଥିବାବେଳେ ଜଣେ ଗୁରୁତର ହୋଇଛନ୍ତି । ମିଳିଥିବା ସୂଚନା ଅନୁସାରେ ମୃତ୍ୟୁ ବ୍ୟକ୍ତି ଜଣକ ୫୦ ବର୍ଷୀୟ ସଂଗ୍ରାମ କେଶରୀ ଦାସ ବୋଲି ସୂଚନା ରହିଥିବାବେଳେ ସେ ତାଙ୍କ ପୁତ୍ର ପ୍ରତ୍ୟୁଶ ଦାଶଙ୍କ ସହ ଘରକୁ ଫେରୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିବାର ସୂଚନା ରହିଛି ।
କନ୍ଧ ନୟାଗଡ ଗ୍ରାମର ଚାନ୍ଦପୁର ଥାନା ଅଞ୍ଚଳରୁ ବାପ ପୁଅ ବାଇକ୍ରେ ଘରକୁ ଫେରୁଥିବାବେଳେ ରାସ୍ତା ଡିଭାଇଡରରେ ହଠାତ୍ ଏକ ଗାଈ ପଶି ଆସିବାରୁ ବାଇକଟି ଭାରସାମ୍ୟ ହରାଇ ଦୁର୍ଘଟଣାଗସ୍ତ ହୋଇଥିଲା। ଗୁରୁତର ଅବସ୍ଥାରେ ବାପ ପୁଅଙ୍କୁ ସ୍ଥାନୀୟ ଲୋକେ ଟାଙ୍ଗୀ ମେଡିକାଲରେ ଭର୍ତି କରିଥିଲେ । ହେଲେ ଏଠାରେ ବାପର ମ୍ରୁତ୍ୟୁ ହୋଇଯାଇଥିଲା । ପୁଅର ଅବସ୍ଥା ଭଲ ଥିବା ଜଣା ପଡିଛି।ଚାନ୍ଦପୁର ପୋଲିସ୍ ଶବ ସହ ବାଇକ୍ ଜବତ କରି ତଦନ୍ତ ଚଳାଇଛି ।