ସୀତାରାମ ଅଗ୍ରଓ୍ବାଲ
ଟାଙ୍ଗୀ : ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ବ୍ଳକ ଛକ ନିକଟରେ ଏକ ବାଇକ ଦୁର୍ଘଟଣା ଘଟିଯାଇଛି । ସୂଚନା ଅନୁସାରେ ଏକ ବାଇକ ଯୋଗେ ତିନି ଜଣ ଯାଉଥିବା ବେଳେ ଟାଙ୍ଗୀ ବ୍ଳକ ଛକ ନିକଟରେ ଥିବା ହମ୍ପସଟିକୁ ବାଇକ ଚାଳକ ଜଣକ ଡିଆଁଇ ଦେଇଥିଲେ ଯାହା ଫଳରେ ତିନି ଜଣ ବାଇକରେ ବସିଥିବା ତଳେ ପଡିଯାଇଥିଲେ।ଯାହା ଫଳରେ ଦୁଇ ଜଣକଙ୍କର ମୁଣ୍ଡ ଫାଟି ଯାଇଥିବା ବେଳେ ଜଣେ ଆହତ ହୋଇଥିଲେ । ଜଣେ ଯୁବକ ଯାଉଥିବା ବେଳେ ଘଟଣା ଦେଖି ଟାଙ୍ଗୀ ଅଗ୍ନିଶମ ବିଭାଗକୁ ଜଣାଇଥିଲେ ଟାଙ୍ଗୀ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଖବର ଅନୁସାରେ ତିନି ଜଣ ଲୋକ କୌଣସି କାରଣରେ ଗୌରୀଚନ୍ଦ୍ରପୁର ରୁ ବାଣପୁର ସୁନାକେରା ଗ୍ରାମକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଗୁରୁତର ଜଣକ ହେଲେ ୬୫ ବର୍ଷୀୟ କାଶୀନାଥ ଭୋଳ ଓ ଅନ୍ୟ ଜଣେ ହେଲେ ବାଣପୁର ର ସୁନାକେରା ଗ୍ରାମର ୪୪ ବର୍ଷୀୟ ଆନନ୍ଦ ସାହୁ ବୋଲି ଜଣାପଡିଛି ।