କନ୍ଦର୍ପ ବେହେରା
ରେଢାଖୋଲ : ଆଜି ରେଢାଖୋଲ ଥାନା କଦଳୀଗଡ ନିକଟସ୍ଥ ଅନୁଗୋଳ ଜିଲ୍ଲା କିଆକଟା ଥାନା ଟୁସର ପଂଚାୟତର ଓରଡା ପୋଲ ନିକଟରୁ ଜଣେ ଅଚିହ୍ନା ଯୁବତୀର ମୃତ ଦେହକୁ କିଆକଟା ପୋଲିସ୍ ଉଦ୍ଧାର କରିଛି ।
ପ୍ରକାଶ ଯେ, ସମ୍ବଲପୁର ଜିଲ୍ଲା ରେଢାଖୋଲ ଥାନା କଦଳୀଗଡ ଗ୍ରାମ ନିକଟ ତଥା ଅନୁଗୋଳ ଜିଲ୍ଲା କିଆକଟା ଥାନା ଟୁସର ପଂଚାୟତର ଓରଡା ନିକଟରେ ଥିବା ଏକ ପୋଲ ପାଖରେ ଜଣେ ଅଚିହ୍ନା ଯୁବତୀର ମୃତ ଦେହ ପଡିଥିବା ରାସ୍ତାରେ ଯାଉଥିବା ବାଟୋଇମାନେ ଦେଖି କିଆକଟା ପୋଲିସ୍ କୁ ଖବର ଦେଇଥିଲେ କିଆକଟା ପୋଲିସ୍ ଶବଟିକୁ ଜବତ କରି କିଆକଟା ଥାନାକୁ ନେଇଯାଇଥିଲା । ମୃତ ମହିଳାର ବୟସ ୨୦ ବର୍ଷ ଭିତରେ ବୋଲି ଆନୁମାନ କରାଯାଉଛି । ଏହା ଏକ ପ୍ରେମଜନିତ ହତ୍ୟାକାଣ୍ଡ ବୋଲି ସଂଦେହ ହେଉଛି । ମହିଳାଟିର ତଂଟିକୁ କୈାଣସି ଏକ ଧାରୁଆ ଅସ୍ତ୍ରରେ କାଟି ତାକୁ ପୋଲ ତଳକୁ ଫିଙ୍ଗିଦେଇଥିବା ଅନୁମାନ କରାଯାଉଛି । କିଆକଟା ପୋଲିସ୍ ଏହାର ଅନୁସନ୍ଧାନ ଜାରି ରଖିଛି । ସମ୍ବଲପୁର ଜିଲ୍ଲାର ଶେଷ ସୀମା ତଥା ଅନୁଗୋଳ ଜିଲ୍ଲାର ଏହା ହେଇଛି ଶେଷ ସୀମା । ଯାହା ଅନୁମାନ କରାଯାଉଛି ମୃତ ମହିଳା ଜଣଙ୍କ ଅନୁଗୋଳ ଜିଲ୍ଲା କିଶୋରନଗର ଥାନା ଅଂଚଳର ବୋଲି ଚର୍ଚ୍ଚା ହେଉଛି ।
