ଭୁବନେଶ୍ବର : ଆଜି ଭୁବନେଶ୍ବରରୁ 541ଜଣ ପଜିଟିଭ୍ ଚିହ୍ନଟ ହୋଇଛି । ଆଜି ଚିହ୍ନଟ 541ଜଣଙ୍କ ମଧ୍ୟରେ 220 ଜଣ କ୍ବାରେଣ୍ଟାଇନ୍ରୁ ଚିହ୍ନଟ ହୋଇଥିବାବେଳେ 321ଜଣ ଲୋକାଲ୍ କଣ୍ଟାକ୍ଟ କେସ୍ ରହିଛି । ସେହିପରି ଆଜି ରାଜଧାନୀ ଭୁବନେଶ୍ବରରୁ 300 ଜଣ ସୁସ୍ଥ ହୋଇଛନ୍ତି ।
ଆଜି ଚିହ୍ନଟ ହୋଇଥିବା କ୍ବାରେଣ୍ଟାଇନ୍ରୁ 220 ଜଣଙ୍କ ମଧ୍ୟରେ ଘରୋଇ ହସ୍ପିଟାଲରୁ 23ଜଣ କର୍ମଚାରୀ ଚିହ୍ନଟ ହୋଇଥିବାବେଳେ 16ଜଣ ପୋଲିସ କର୍ମଚାରୀ ରହିଛନ୍ତି, ନିଳାଦ୍ରି ବିହାର, ପଣ୍ଡା ପାର୍କ ନିକଟରୁ 7 ଜଣ, ୟୁନିଟ୍ – 8ରୁ 5 ଜଣ, ୟୁନିଟ୍ -6ରୁ ଚିହ୍ନଟ ହୋଇଛନ୍ତି ।
ସେହିପରି ଚିହ୍ନଟ 321 ଜଣଙ୍କ ମଧ୍ୟରେ ଖଣ୍ଡଗିରିରୁ 6ଜଣ, ଲକ୍ଷ୍ମୀସାଗରର 7ଜଣ, ମାଷ୍ଟରକ୍ୟାଣ୍ଟିନ୍ ଛକରୁ 6 ଜଣ, ଭୀମଟାଙ୍କି ହାଉସିଂବୋର୍ଡ କଲୋନୀରୁ 4 ଜଣ, 11ଜଣ ବ୍ୟାଙ୍କ କର୍ମଚାରୀ ରହିଥିବାବେଳେ ଶୈଳଶ୍ରୀବିହାରରୁ 10ଜଣ, ଭୀମପୁର, କେଳା ବସ୍ତିରୁ 11ଜଣ, ପଟିଆରୁ 11 ଜଣ, ଚିନ୍ତାମଣିଶ୍ବରରୁ 7 ଜଣ, ନିଳାଦ୍ରି ବିହାରରୁ 5ଜଣ, ଭୋଇନଗରରୁ 2 ଜଣ ରହିଛନ୍ତି ।
ନୂତନ 541ଜଣ ଆକ୍ରାନ୍ତଙ୍କୁ ମିଶାଇ ରାଜଧାନୀ ଭୁବନେଶ୍ବରରେ ମୋଟ୍ ସଂକ୍ରମିତଙ୍କ ସଂଖ୍ୟା 11ହଜାର 273ରେ ପହଞ୍ଚିଛି । ସେହିପରି 6ହଜାର 935ଜଣ ସୁସ୍ଥ ହୋଇଥିବାବେଳେ 44ଜଣଙ୍କ ମୃତ୍ୟୁ ହୋଇଛି । ଏବେ ସୁଦ୍ଧା 4 ହଜାର 282ଜଣ ସକ୍ରିୟ ମାମଲା ରହିଛି ।
