କନ୍ଦର୍ପ ବେହେରା
ରେଢାଖୋଲ : ଆଜି କିସିଣ୍ଡା ପୋଲିସ ଥାନା ସାମ୍ନାରୁ ୫୨ କେଜି ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିବାରେ ସଫଳ ହୋଇଛି । ପ୍ରକାଶ, ଯେ ଗଞେଇ ଚୋରା ଚାଲାଣ ହେଉଥିବା କଥା କିସିଣ୍ଡା ପୋଲିସ୍ କୌଣସି ସୂତ୍ରରୁ ଖବର ପାଇ ନାକଟିଦେଉଳ ପଟୁ ଆସୁଥିବା ଏକ ମାରୁତି ସୁଜୁକି ଡିଜାର(ଗାଡି ନଂ ଓଡି ୦୨ ବିଏ-୬୫୬୨) ଗାଡିକୁ ଅଟକାଇଥିଲା । ଗାଡି ଭିତରୁ ୫୨ କେଜି ଗଞ୍ଜେଇ ଜବତ କରିବା ସହ ୯୭ ହଜାର ୫୦୦ଟଙ୍କା ମଧ୍ୟ ଜବତ କରିଥିବା କିସିଣ୍ଡା ଥାନାଧିକାରୀ ଚିତରଞନ ନାଏକ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି । ଥାନାଧିକାରୀଙ୍କ କହିବା ଅନୁଯାୟୀ ବୌଦ୍ଧ ପଟୁ ଏହି ଚୋରା ବେପାରୀ ଗଞ୍ଜେଇ ଧରି ଅନୁଗୋଳ ଜିଲ୍ଲା ରେଙ୍ଗାଲି ଅଂଚଳକୁ ଯାଉଥିଲା । ବାଟରେ କୌଣସି ଅଂଚଳରେ ଅସୁବିଧା ଯୋଗୁଁ କିସିଣ୍ଡା ଦେଇ ସମ୍ବଲପୁର ପଟେ ପଳାଇବାକୁ ଉଦ୍ୟମ କରୁଥିଲା ହେଲେ କିସିଣ୍ଡା ଥାନାଧିକାରୀଙ୍କ ବିଚକ୍ଷଣ ବୁଦ୍ଧି ଯୋଗୁଁ କିସିଣ୍ଡା ଥାନା ସାମ୍ନାରେ ହିଁ ଚୋରା ବେପାରୀକୁ ଧରିବାରେ ସଫଳ ହୋଇଛନ୍ତି ।
ସେ ଧରିଥିବା ୯୭ ହଜାର ୫୦୦ ଟଙ୍କା ପୋଲିସକୁ ଦେଉଥବା ବେଳେ ତାକୁ ମଧ୍ୟ ପୋଲିସ୍ ଜବତ କରିଛି । ଗିରଫ ଗଞେଇ ବେପାରୀ ହେଲେ ଦେବଗଡ ଜିଲ୍ଲା କୁଣ୍ଢେଇଗୋଳ ଥାନା ପଳସମା ଗ୍ରାମର ହରେକୃଷ୍ନ ଆଚାର୍ଯ୍ୟଙ୍କ ପୁଅ ସତ୍ୟବ୍ରତ ଆଚାର୍ଯ୍ୟ(୨୫) ବୋଲି ଜଣାପଡିଛି । ତା ନାମରେ କିସିଣ୍ଡା ଥାନା କେସ୍ ନଂ ୪୭ ତା ୪/୯/୨୦୨୦ ଏନ୍ଡିପିଏସ ଆକ୍ଟରେ କେସ୍ ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ।