ଭୁବନେଶ୍ବର : ଆଜି ଯୁକ୍ତ ଦୁଇ କଳା ରେଜଲ୍ଟ ପ୍ରକାଶ ପାଇଛି । ପାସ୍ ହାରରେ ପୁଅଙ୍କୁ ପଛରେ ପକାଇଛନ୍ତି ଝିଅ । ସିଏଚ୍ଏସ୍ଇ କାର୍ଯ୍ୟାଳୟରେ ପରୀକ୍ଷା ଫଳ ଘୋଷଣା କରିଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାଶ । ଚଳିତ ଥର କଳାରେ 67.56% ଛାତ୍ରଛାତ୍ରୀ ପାସ୍ କରିଛନ୍ତି । ଚଳିତ ଥର 2ଲକ୍ଷ 19 ହଜାର 716 ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ପାସ୍ କରିଛନ୍ତି 1 ଲକ୍ଷ 48 ହଜାର 452ଜଣ।
ପୁଅଙ୍କ ପାସ୍ ହାର୍ 57.53% ରହିଥିବାବେଳେ ଝିଅଙ୍କ ପାସ୍ ହାର ରହିଛି 74.48% । ସେହିପରି ପ୍ରଥମ ଶ୍ରେଣୀରେ 22 ହଜାର 196 ପରୀକ୍ଷାର୍ଥୀ ପାସ୍ କରିଥିବାବେଳେ ଦ୍ବିତୀୟ ଶ୍ରେଣୀରେ 26 ହଜାର 027 ଜଣ, ତୃତୀୟଶ୍ରେଣୀରେ 1ଲକ୍ଷ 101ଜଣ ପାସ୍ କରିଛନ୍ତି । ବରଗଡ଼ ଜିଲ୍ଲାରୁ ସର୍ବାଧିକ 76.63 ପ୍ରତିଶତ ଓ ନବରଙ୍ଗପୁର ଜିଲ୍ଲାରୁ ସର୍ବନିମ୍ନ 44. 67 ପ୍ରତିଶତ ପିଲା ପାସ କରିଥିବା ସୂଚନା ରହିଛି।
Tags:
