ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ନୀଳକଣ୍ଠନଗର ସରସ୍ୱତୀ ଶିଶୁମନ୍ଦିରର ଦଶମ ଓ ଦ୍ୱାଦଶ ଶ୍ରେଣୀ ବୋର୍ଡ଼ ପରୀକ୍ଷାରେ ସାରା ରାଜ୍ୟରେ ର୍ୟାଙ୍କ ରଖିଥିବା ସମସ୍ତ ଛାତ୍ରଛାତ୍ରୀଙ୍କୁ ଏସ୍ବିଆଇ ଜୋନାଲ୍ ଅଫିସ, ବ୍ରହ୍ମପୁର ତରଫରୁ ସମ୍ବର୍ଦ୍ଧନା ଦିଆଯାଇଛି। ମୁଖ୍ୟଅତିଥି ଭାବେ ସ୍କୁଲର ସଂପାଦକ ନାରାୟଣ ପଣ୍ଡା, ମୁଖ୍ୟବକ୍ତା ଭାବେ ପ୍ରଧାନାଚାର୍ଯ୍ୟ ଉମାଧବ ମହାନ୍ତି ଯୋଗ ଦେଇଥିଲେ। ସମ୍ମାନିତ ଅତିଥି ଭାବେ ଏସ୍ବିଆଇର ରବିନ୍ଦ୍ର କୁମାର ସେନାପତି, ସୋମନାଥ ନନ୍ଦ, ରବିନ୍ଦ୍ର କୁମାର ରଥ, ଏମ୍.ଏନ୍.ସେଶୁ କୁମାର ପ୍ରମୁଖ ଯୋଗ ଦେଇଥିଲେ। ସଭାପତିତ୍ୱ ଡ଼ିଜିଏମ୍ ସାକ୍ୟ ସିହ୍ନା ବୈରାଗୀ, ସଂଯୋଜନା ଓ ସ୍ୱାଗତ ଭାଷଣ ସୋମନାଥ ନନ୍ଦ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ପର୍ଶୁରାମ ରାଉତ, ସବ୍ୟସାଚୀ ଆଚାର୍ଯ୍ୟ, ସନ୍ତୋଷ ମିଶ୍ର, ଅସାନ୍ତୁଲୁ ସେଠୀ ପ୍ରଭୃତି ଯୋଗ ଦେଇଥିଲେ। ଏହି ଅବସରରେ ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆ ଜୋନାଲ୍ ଅଫିସ୍ ବ୍ରହ୍ମପୁର ତରଫରୁ ର୍ୟାଙ୍କ ରଖିଥିବା ଶିଶୁମାନଙ୍କୁ ପୁରସ୍କୃତ କରାଯାଇଥିଲା। ପରିଶେଷରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଜୋନାଲ୍ ଅଫିସ ତରଫରୁ ରବିନ୍ଦ୍ର କୁମାର ରଥ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ସ୍କୁଲର ସମସ୍ତ ଆଚାର୍ଯ୍ୟ ଓ ଆଚାର୍ଯ୍ୟା ତଥା ଏସ୍ବିଆଇର କର୍ମକର୍ତ୍ତାମାନେ ସହଯୋଗ କରିଥିଲେ।