ଭୁବନେଶ୍ବର, ବର୍ତ୍ତମାନ କରୋନା ଭାଇରସ କଟକ ଭୁବନେଶ୍ବରେ ଅଧିକ ପରିଲକ୍ଷିତ ହେବାରେ ଲାଗିଛି। ଏହି ଦୁଇ ସହରରେ କୋଭିଡ ନିୟମ ଯେପରି ପାଳନ ହେବା କଥା ତାହା ହେଉ ନାହିଁ। ତୁରନ୍ତ ଏହାକୁ ନିୟନ୍ତ୍ରଣ କର ବୋଲି ଆଜି ମୁଖ୍ୟମନ୍ତ୍ରୀ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଇଛନ୍ତି।ଏହି ଦୁଇ ସହରରେ କୋରନା ସ୍ଥିତି ସଂପର୍କରେ ବସିଥିବା ଏକ ସମୀକ୍ଷା ବୈଠକରେ ମୁଖ୍ୟମନ୍ତ୍ରୀ ଏହି ନିର୍ଦ୍ଦେଶ ଦେଇଛନ୍ତି।
ରାଜ୍ୟର ଅନ୍ୟ ଅଞ୍ଚଳମାନଙ୍କରେ କୋଭିଡ ନିୟମର କଡାକଡି ଅନୁପାଳନ ସନ୍ତୋଷ ଜନକ ଥିବାବେଳେ ଭୁବନେଶ୍ବର କଟକରେ କମିଶନରେଟ ଅଞ୍ଚଳରେ ଏହା ସେତେଟା ଉତ୍ସାହଜନକ ନଥିବାରୁ ଭୁବନେଶ୍ବର କଟକ କମିଶନରେଟ ଅଞ୍ଚଳରେ କୋଭିଡ ନିୟମ କାର୍ଯ୍ୟକାରିତା ଉପରେ ପୋଲିସ ମହାନିର୍ଦ୍ଦେଶକ ପ୍ରତ୍ୟକ୍ଷ ଦୃଷ୍ଟି ଦେବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।
