ଉଜ୍ଜୈନ୍ : ଶନିବାର ସକାଳେ ଉଜ୍ଜୈନ୍ଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ନରବର ଅଞ୍ଚଳ ନିକଟରେ ସକାଳୁ ଏକ ଟ୍ରକ୍ ଓ ଗାଡି ମଧ୍ୟରେ ଜବରଦସ୍ତ ଧକ୍କା ହେବା ଫଳରେ 5ଜଣ ଶ୍ରମିକଙ୍କ ମୃତ୍ୟୁ ହୋଇଥିବାର ସୂଚନା ରହିଛି । ଏହି ଗାଡିରେ 12 ଜଣ ଶ୍ରମିକ ରହିଥିବାବେଳେ ପାଞ୍ଚଜଣଙ୍କର ମୃତ୍ୟୁ ହୋଇଛି । ଏହି ସମସ୍ତ ଶ୍ରମିକ କଟନୀରୁ ନୀମଚ ଯାଉଥିବାସମୟରେ ତାଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଥିଲା । ଘଟଣାସ୍ଥଳରେ ଚାରିଜଣଙ୍କର ମୃତ୍ୟୁ ହୋଇଥିବାବେଳେ ଚିକିତ୍ସାଧୀନ ଅବସ୍ଥାରେ ଜଣେ ଶ୍ରମିକଙ୍କର ମୃତ୍ୟୁ ହୋଇଛି । ସେହିପରି ଏହି ଦୁର୍ଘଟଣାରେ ଅନ୍ୟ 7ଜଣ ଗୁରୁତର ଆହତ ହୋଇଛନ୍ତି ।
ମିଳିଥିବା ସୂଚନା ଅନୁସାରେ ଶନିବାର ସକାଳ 4ଟା ସମୟରେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣାର ଖବର ପାଇଁ ଘଟଣାସ୍ଥଳରେ ପୋଲିସ୍ ପହଞ୍ଚିଥିଲା । ତେବେ ଟ୍ରକ୍ ଡ୍ରାଇଭର୍ ଫେରାର ରହିଥିବାବେଳେ ପୋଲିସ୍ ଘଟଣାର ଯାଞ୍ଚ କରୁଛି।