ନେଦରଲ୍ୟାଣ୍ଡ : ଜଣେ ଲୋକ କେତୋଟି ସନ୍ତାନର ଜନକ ହୋଇପାରିବେ । ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ଜଣେ 89 ବର୍ଷୀୟ ଡାକ୍ତର ତାଙ୍କ ଜୀବନକାଳ ମଧ୍ୟରେ 60ଟି ସନ୍ତାନର ଜନକ ହୋଇଛନ୍ତି । ତେବେ ଏହା କେବଳ ଜଣେ ମହିଳାଙ୍କଠାରୁ ଜନ୍ମିତ ସନ୍ତାନଙ୍କର ପିତା ହୋଇନାହାନ୍ତି । ବରଂ ଭିନ୍ନ ଭିନ୍ନ ମହିଳାଙ୍କଠାରୁ ଜନ୍ମିତ ସନ୍ତାନଙ୍କର ପିତା ହୋଇଛନ୍ତି ସମ୍ପୃକ୍ତ ଡାକ୍ତର ଜଣକ । ଡିଏନ୍ଏ ରିପୋର୍ଟରୁ ଏହି ଘଟଣା ସାମ୍ନାକୁ ଆସିଛି ।
ସୂଚନାଯୋଗ୍ୟ, କିଛି ଦମ୍ପତି ସନ୍ତାନ ଜନ୍ମ ନ କରିବାର କାରଣରୁ ଆଇଭିଏଫ୍ର ସାହାରା ନେଇଥା’ନ୍ତି । ତେବେ ସମ୍ପୃକ୍ତ ଡାକ୍ତର ଜଣକ ଏହି ଆଇଭିଏଫ୍ର ଫାଇଦା ଉଠାଇ ଲୋକଙ୍କୁ ଠକିଥିବାର ଅଭିଯୋଗ ହୋଇଛି । ନେଦରଲ୍ୟାଣ୍ଡରେ ଏକ ଆଇଭିଏଫ୍ କ୍ଲିନିକ୍ରେ ମହିଳାଙ୍କ ସହିତ ବଡ ଠକାମୀ ହୋଇଥିବାର ଖବର ସାମ୍ନାକୁ ଆସିଛି ।
ଏହି କ୍ଲିନିକ୍ର ଜଣେ ଡାକ୍ତର 49 ମହିଳାଙ୍କୁ ଗର୍ଭବତୀ କରାଇବାରେ ନିଜ ସ୍ପର୍ମର ବ୍ୟବହାର କରି ସନ୍ତାନ ଜନ୍ମ କରାଇଥିଲେ । ତେବେ ସମ୍ପୃକ୍ତ ଡାକ୍ତରଜଣକ ଆଉ ଜୀବିତାବସ୍ଥାରେ ନଥିବାର ସୂଚନା ରହିଛି ।
ଜନ୍ କାରବାତ୍ ନାମ ଏହି ଡାକ୍ତରଜଣଙ୍କର 2017 ମସିହାରେ ମୃତ୍ୟୁ ହୋଇଛି । ଏହାପରେ କୋର୍ଟଙ୍କ ଆଦେଶନୁସାରେ ଅଭିଭାବକଙ୍କୁ ଡାକ୍ତରଙ୍କର ଡିଏନ୍ଏଟ ଟେଷ୍ଟ ରିପୋର୍ଟ ଦିଆଯାଇଛି । ଯାହା ଦ୍ବାରା ଜଣାପଡିଛି ଯେ, ଡାକ୍ତର ଜଣକ ସ୍ପର୍ମ ଡୋନର୍ଙ୍କ ବଦଳରେ ନିଜ ସ୍ପର୍ମର ବ୍ୟବହାର କରିଛନ୍ତି । 49ଜଣ ସନ୍ତାନଙ୍କ ସହିତ ଉକ୍ତ ଡାକ୍ତରଙ୍କ ସ୍ପର୍ମ ମେଳ ଖାଉଥିବାର ଜଣାପଡିଛି । ତେବେ ମୃତ୍ୟୁ ପୂର୍ବରୁ ଡାକ୍ତର ଜଣକ 60ଟି ସନ୍ତାନର ପିତା ହୋଇଥିବାର କହିଥିଲେ । ତେବେ 2009 ମସିହାରେ ଉକ୍ତ କ୍ଲିନିକ୍ ଉପରେ ଅନିୟମିତତାର ଅଭିଯୋଗ ରହିଥିଲା । ଏହାପରେ ଉକ୍ତ କ୍ଲିନିକ୍ ବନ୍ଦ ହୋଇଯାଇଥିଲା । ଉକ୍ତ ଡାକ୍ତର ଜଣକ ଡୋନର୍ଙ୍କ ସ୍ପର୍ମକୁ ମିଶାଉଦେଉଥିବାର ଅଭିଯୋଗ ରହିଥିଲା । ତେବେ ମୃତ୍ୟୁର ଏତେ ବର୍ଷ ପରେ ଉକ୍ତ ଡାକ୍ତରଙ୍କର ସତ୍ୟତା ସାମ୍ନାକୁ ଆସିଛି । (ଏଜେନ୍ସି)
