ନୂଆଦିଲ୍ଲୀ : ନିର୍ବାଚନ ଆୟୋଗ ନିବାଚନ କମିଶନ ମଧ୍ୟପ୍ରଦେଶ, ଗୁଜରାଟ, ଓଡ଼ିଶା, ନାଗାଲାଣ୍ଡ, ମଣିପୁର ସମେତ 56ଟି ବିଧାନସଭା ଆସନ ଓ ଗୋଟିଏ ଲୋକ ସଭା ଆସନ ପାଇଁ ହେବାକୁ ଥିବା ଉପନିର୍ବାଚନ ଲାଗି ତାରିଖ ଘୋଷଣା କରିଛନ୍ତି । ଏହି ଆସନରେ ନଭେମ୍ବର 3ରେ ଭୋଟ ଗ୍ରହଣ କରାଯିବ ଓ ନଭେମ୍ବର 10ରେ ଗଣତି ହେବ । ତେବେ ଆସାମ, କେରଳ, ତାମିଲନାଡୁ ଓ ପଶ୍ଚିମବଙ୍ଗର 7 ଆସନରେ ଉପନିର୍ବାଚନ ହେବନାହିଁ । ନିର୍ବାଚନ କମିଶନରଙ୍କ ନିଷ୍ପତ୍ତି ଅନୁଯାୟୀ ଆସାମର ରଙ୍ଗାପରା, ଶିବସାଗର, କେରଳର କୁଟ୍ଟନାଦ ଓ ଚାବାରା ଓ ତାମିଲନାଡୁର ତିରୁବୋଟିଓ୍ବର୍ ଗୁଡିଆଟ୍ଟମ୍ ଓ ପଶ୍ଚିମବଙ୍ଗର ଫଲକଟ୍ ଆସନରେ ନିର୍ବାଚନ ଅନୁଷ୍ଠିତ ହେବ ନାହିଁ ।
ଏହି ସମସ୍ତ ରାଜ୍ୟରୁ ମିଳୁଥିବା ଇନ୍ପୁଟ୍ ଯୋଗୁଁ ନିର୍ବାଚନ ହେବା ସମ୍ଭବପର ନୁହେଁ ବୋଲି ନିର୍ବାଚନ କମିଶନର ସୂଚନା ଦେଇଛନ୍ତି । ଆସାମ, କେରଳ, ତାମିଲନାଡୁ ଓ ପଶ୍ଚିମବଙ୍ଗର ବିଧାନସଭା କାର୍ଯ୍ୟକାଳ କ୍ରମଶଃ 31.05. 2021 ଓ 24.05.2021 ଓ 30.05.2021 ପର୍ଯ୍ୟନ୍ତ ରହିଛି ।
ସର୍ବାଧିକ ମଧ୍ୟପ୍ରଦେଶରେ 27ଟି ଆସନରେ ଉପନିର୍ବାଚନ ହେବ । ଏଠାରେ ଦଳ ବଦଳ ଯୋଗୁଁ କିଛି ବିଧାୟକ ଅଯୋଗ୍ୟ ହୋଇଥିବାରୁ ଏଠାରେ ଉପନିର୍ବାଚନ ଅନୁଷ୍ଠିତ ହେବ । ସେହିପରି ଗୁଜୁରାଟର 8ଟି ଆସନରେ ଉପନିର୍ବାଚନ ଅନୁଷ୍ଠିତ ।