ନୂଆଦିଲ୍ଲୀ : ଦେଶରେ କରୋନା ମୃତ୍ୟୁସଂଖ୍ୟା 1ଲକ୍ଷ 8 ହଜାର 334କୁ ବୃଦ୍ଧି । ମୋଟ୍ ଆକ୍ରାନ୍ତଙ୍କ ସଂଖ୍ୟା 70 ଲକ୍ଷ 53 ହଜାର 807କୁ ବୃଦ୍ଧି ହୋଇଛି । ଦିନକରେ 74 ହଜାର 383 ଆକ୍ରାନ୍ତ ଚିହ୍ନଟ ହୋଇଥିବାବେଳେ 918ଜଣଙ୍କର ମୃତ୍ୟୁ ହୋଇଛି । ଏବେ ସୁଦ୍ଧା ଦେଶରେ ମୋଟ୍ ଆକ୍ଟିଭ୍ କେସ୍ 8 ଲକ୍ଷ 67 ହଜାର 496 ରହିଛି । ସୁସ୍ଥଙ୍କ ସଂଖ୍ୟା 60 ଲକ୍ଷ 77 ହଜାର 977ରେ ପହଞ୍ଚିଛି। ଗତ ତିନି ସପ୍ତାହ ଧରି ଦେଶରେ ସୁସ୍ଥଙ୍କ ସଂଖ୍ୟା ବଢିବାରେ ଲାଗିଛି । ମହାରାଷ୍ଟ୍ର, କର୍ଣ୍ଣାଟକ, କେରଳ, ଆନ୍ଧ୍ରପ୍ରଦେଶ, ତାମିଲନାଡୁରୁ ଦେଶର ମୋଟ ଆକ୍ଟିଭ୍ କେସ୍ର 61% ମାମଲା ରହିଛି।
ଆଇସିଏମ୍ଆର ସୂଚନା ମୁତାବକ ଅକ୍ଟୋବର 10 ସୁଦ୍ଧା ଦେଶରେ ମୋଟ୍ 8 କୋଟି 68 ଲକ୍ଷ ନମୁନା ପରୀକ୍ଷଣ ହୋଇଛି । ଗତକାଲି 11 ଲକ୍ଷ ନମୁନା ପରୀକ୍ଷଣ ହୋଇଥିବାବେଳେ ପଜିଟିଭିଟି ରେଟ୍ 7 ପ୍ରତିଶତ ରହିଛି ।