ସୀମାରେ ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ ଜାରି ରହିଛି । ଗତ ଫେବୃଆରୀ ୧୪ ତାରିଖ ଫୁଲ୍ଓ୍ବାମା ଆକ୍ରମଣ ପରେ ଭାରତ -ପାକିସ୍ତାନ ସୀମାରେ ଉତ୍ତେଜନା ପରିସ୍ଥିତି ଲାଗି ରହିଛି । ପୁଣି ଥରେ ଜାମ୍ମୁ କାଶ୍ମୀର ପୁଞ୍ଚ ସେକ୍ଟରରେ ଅସ୍ତ୍ରବିରତି ଉଲ୍ଲଂଘନ ହୋଇଛି । ଯେଉଁଥିରେ ପାକିସ୍ତାନୀ ସେନାର ଗୁଳିରେ ଜଣେ ଭାରତୀୟ ଯବାନ ଶହୀଦ ହୋଇଛନ୍ତି । ପୁଞ୍ଚ ସେକ୍ଟରରେ ଶନିବାର ବିଳମ୍ବିତ ରାତିରେ ପାକିସ୍ତାନ ସେନା ଅସ୍ତ୍ରବିରତି ଉଲ୍ଲଂଘନ କରିଥିଲେ । ଭାରତୀୟ ସେନା ପାକିସ୍ତାନୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ପୁଞ୍ଚର ଶାହପୁର ଓ କୈରନୀ ଅଂଚଳକୁ ଶତ୍ରୁ ଟାର୍ଗେଟ୍ କରିଥିଲେ । ଫଳରେ ସେଠାକାର ସ୍ଥାନୀୟ ବାସିନ୍ଦା ଘରେ କବାଟ ଦେଇ ଲୁଚି ରହିଥିଲେ । ଏହି ଗୁଳି ବିନିମୟ ବେଳେ ଜଣେ ଭାରତୀୟ ଯବାନ ଗୁରୁତର ହୋଇଥିଲେ । ତାଙ୍କୁ ମେଡ଼ିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଯବାନ ଜଣକ ପ୍ରାଣ ହରାଇଛନ୍ତି ।
Tags:
