ନୂଆଦିଲ୍ଲୀ : ଦେଶରେ କରୋନା ଗ୍ରାଫ୍ ତଳକୁ ଖସିବାରେ ଲାଗିଛି । ଗତ 24 ଘଣ୍ଟାରେ 36 ହଜାର 469 ଆକ୍ରାନ୍ତ ଚିହ୍ନଟ ହୋଇଥିବାବେଳେ 488ଜଣଙ୍କର ମୃତ୍ୟୁ ହୋଇଛି । ଦେଶରେ କରୋନା ମୃତ୍ୟୁ ସଂଖ୍ୟା 1 ଲକ୍ଷ 19 ହଜାର 502କୁ ବୃଦ୍ଧି । ମୋଟ୍ ଆକ୍ରାନ୍ତଙ୍କ ସଂଖ୍ୟା 79 ଲକ୍ଷ46 ହଜାର 429କୁ ବୃଦ୍ଧି ହୋଇଛି । ସେହିପରି ଏବେ ସୁଦ୍ଧା ଦେଶରେ ମୋଟ୍ ଆକ୍ଟିଭ୍ କେସ୍ 6 ଲକ୍ଷ 25 ହଜାର 857 ରହିଥିବାବେଳେ ସୁସ୍ଥ ହୋଇଛନ୍ତି 72 ଲକ୍ଷ 01 ହଜାର 70ଜଣ । ଦେଶରେ ମୃତ୍ୟୁହାର ଲଗାତାର ଭାବରେ ହ୍ରାସ ହେବାରେ ଲାଗିଛି । ଏବେ ଦେଶରେ ମୃତ୍ୟହାର 1.5% ରହିଛି । ଆଇସିଏମଆର ସୂଚନାଯାୟୀ ଦେଶରେ ଏବେ ସୁଦ୍ଧା ମୋଟ୍ 10 କୋଟି 44 ଲକ୍ଷ 20 ହଜାର 894 ନମୁନା ପରୀକ୍ଷଣ ହୋଇଛି । (ଏଜେନ୍ସି)
