ଧର୍ମଗଡ : ଗୋଲାମୁଣ୍ଡା ଥାନା ଗୋଏଣ୍ଡିମୁଣ୍ଡା ଗାଁ ମୁଣ୍ଡରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ପ୍ରେମଜନିତ କାରଣରୁ ହତ୍ୟା କରାଯାଇଥିବା ନେଇ ଥାନାର ଅଭିଯୋଗ ହୋଇଛି । ଗତକାଲି ଯୁବକ ଜଣକ ନିଜ ପ୍ରେମିକାଙ୍କୁ ଦେଖା କରିବାକୁ ଗୋଏଣ୍ଡାମୁଣ୍ଡା ଯାଇଥିଲେ । ଯୁବକଙ୍କୁ ଧରି ପିଟି ପିଟି ହତ୍ୟା କରାଯାଇଥିବାର ଅଭିଯୋଗ କରିଛନ୍ତି ମୃତକଙ୍କ ଭାଇ ।
ମିଳିଥିବା ସୂଚନା ଅନୁସାରେ, ଗୋଲାମୁଣ୍ଡା ଥାନା ଖଲିଆକାନୀର ଦିଲୀପ ମେହେର କଏନ୍ଦିମୁଣ୍ଡା ଗାଁର ଜଣେ ଯୁବତୀଙ୍କୁ ଭଲ ପାଉଥିଲେ। ଯାହାକୁ ଯୁବତୀଙ୍କ ପରିବାର ଲୋକେ ବିରୋଧ କରୁଥିଲେ।ଗତକାଲି ଦିଲ୍ଲୀପ ପ୍ରେମିକାଙ୍କ ଗାଁକୁ ଯାଇଥିବାବେଳେ ଗାଁ ମୁଣ୍ଡରେ ଦିଲୀପଙ୍କ ମୃତଦେହ ରକ୍ତ ଜୁଡୁବୁଡୁ ଅବସ୍ଥାରେ ମିଳିଥିଲା । ପୁଲିସ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ଏହି ଘଟଣାରେ ପୁଲିସ ପ୍ରେମିକାଙ୍କ ପରିବାର ଲୋକଙ୍କୁ ଅଟକ ରଖିଥିବା ଜଣାପଡ଼ିଛି। ଏହି ଅଭିଯୋଗରେ ମୃତ ଯୁବକଙ୍କ ପ୍ରେମିକା, ତାଙ୍କ ବାପା, ମାଆ ଭାଇ ଥାନାରେ ଅଟକ ରଖିଛି ପୋଲିସ୍।