ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଚଳିତ ମାସ ୨୧ ତାରିଖଠାରୁ ୬୧ତମ ପୋଲିସ୍ ଶହୀଦ୍ ଦିବସ ପାଳନ କରାଯାଇଥିବାବେଳେ ଆଜି ଏହା ଉଦ୍ଯାପିତ ହୋଇଛି। ଏହି ଅବସରରେ ଆଜି ଶହୀଦ୍ ପୋଲିସ୍ କର୍ମଚାରୀଙ୍କ ସ୍ମୃତିଚାରଣ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ବ୍ରହ୍ମପୁର ପୋଲିସ୍ ପକ୍ଷରୁ ଏକ ବ୍ୟାଣ୍ଡ ଶୋଭାଯାତ୍ରା ମଧ୍ୟ ଅନୁଷ୍ଠିତ ହୋଇଯାଇଛି। ଏସ୍ପି ପିନାକ ମିଶ୍ରଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ବ୍ୟାଣ୍ଡ ଶୋଭାଯାତ୍ରାରେ ଅତିରିକ୍ତ ଏସ୍ପି ପିକେ ମିଶ୍ର, ଟ୍ରାଫିକ୍ ଡ଼ିଏସ୍ପି ବିମଳକାନ୍ତ ନାୟକ ଏବଂ ଟ୍ରାଫିକ୍ ଥାନାଧିକାରୀ ସୁନିଲ୍ ବେହେରାଙ୍କ ସମେତ ରିଜର୍ଭ ପୋଲିସ୍ର ମୁଖ୍ୟ ଦିଲୀପ କୁମାର ବେହେରା, ପୋଲିସ୍ ସଂଘର ସଭାପତି କାଳିଚରଣ ଷଡ଼ଙ୍ଗୀ, ସଂପାଦକ ଶ୍ରୀନିବାସ ପାତ୍ର, ହାବିଲଦାର ମଦନ ବେହେରା ପ୍ରମୁଖ ଉପସ୍ଥିତ ଥିଲେ।
ସୂଚନାଯୋଗ୍ୟ ପୋଲିସ୍ ଶହୀଦ୍ ସପ୍ତାହ ପାଳନର ଉଦ୍ଯାପନୀ ଉତ୍ସବ ଦଶହରା ପାଇଁ କିଛି ଦିନ ଘୁ୍ଞ୍ଚି ଏହାର ଉଦ୍ଯାପନୀ ଆଜି ଅନୁଷ୍ଠିତ ହୋଇଥିଲା। କରୋନା କାଳରେ ଶହୀଦ୍ ହୋଇଥିବା ପୋଲିସ୍ କର୍ମଚାରୀଙ୍କୁ ମନେ ପକାଇ ତାଙ୍କୁ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା।
