ୟୁରୋ କପ୍ ୨୦୨୦ ପାଇଁ ଯୋଗ୍ୟତା ପର୍ଯ୍ୟାୟ ମୁକାବିଲା ଅନୁଷ୍ଠିତ ହୋଇଛି। ଇଂଲଣ୍ଡ ଏବଂ ଫ୍ରାନ୍ସ କ୍ରମାଗତ ଦ୍ବିତୀୟ ସହଜ ବିଜୟ ହାସଲ କରିଥିବା ବେଳେ ପର୍ତ୍ତୁଗାଲ କ୍ରମାଗତ ଦ୍ବିତୀୟ ଡ୍ର ରଖିଛି। ଇଂଲଣ୍ଡ ଏବଂ ଫ୍ରାନ୍ସ ବ୍ୟତୀତ ତୁର୍କୀ ଏବଂ ୟୁକ୍ରେନ୍ ମଧ୍ୟ ବିଜୟ ହାସଲ କରିଛନ୍ତି। କ୍ରମାଗତ ଦ୍ବିତୀୟ ମ୍ୟାଚ୍ରେ ୫ଟି ଗାେଲ୍ ସ୍କୋର କରିଥିଲା ଇଂଲଣ୍ଡ। ମଣ୍ଟେନିଗ୍ରୋ ବିପକ୍ଷରେ ମାର୍କୋ ଭେସାେଭିକ(୧୭)ଙ୍କ ଗାେଲ ବଳରେ ଇଂଲ ୦-୧ରେ ପଛୁଆ ରହିଥିଲା। ପରେ ଇଂଲଣ୍ଡ ପକ୍ଷରୁ ପ୍ରତି ଆକ୍ରମଣ କରାଯିବା ସହିତ ୫ଟି ଗୋଲ ସ୍କୋର କରାଯାଇଥିଲା। ମାଇକେଲ କିନ୍ (୩୦), ରସ୍ ବର୍କଲେ (୩୯,୫୯), ହ୍ୟାରି କେନ୍(୭୧) ଏବଂ ରହିମ୍ ଷ୍ଟର୍ଲିଂ (୮୧) ତମ ମିନିଟ୍ରେ ଗୋଲ ସ୍କୋର କରି ଦଳକୁ ବିଜୟୀ କରିଥିଲେ। ଫ୍ରାନ୍ସ ମଧ୍ୟ ଆଇସଲ୍ୟାଣ୍ଡକୁ ଶୋଚନୀୟ ଭାବରେ ୪-୦ରେ ପରାସ୍ତ କରିଛି। ଫ୍ରାନ୍ସ ପକ୍ଷରୁ ଓଲିଭର ଜିରୁଡ୍ ନିଜ କ୍ୟାରିୟରର ୩୫ ତମ ଗୋଲ ସ୍କୋର କରିଥିଲେ। ହେଡର ଜରିଆରେ ମ୍ୟାଚ୍ର ୧୨ ତମ ମିନିଟ୍ରେ ସାମୁଏଲ ଉମିଟି ପ୍ରଥମ ଗୋଲ ସ୍କୋର କରିଥିଲେ। ଏହାପରେ ଜିରୁଡ୍ ୬୮ ତମ ମିନିଟ୍ରେ ଦ୍ବିତୀୟ ଗୋଲ୍ ସ୍କୋର କରିଥିଲେ। ଏମ୍ବାପେ ଫ୍ରାନ୍ସ ପକ୍ଷରୁ ୭୮ ତମ ମିନିଟ୍ରେ ତୃତୀୟ ଗୋଲ ସ୍କୋର କରିଥିଲେ। ଦଳପକ୍ଷରୁ ଶେଷ ଗୋଲ ସ୍କୋର କରିଥିଲେ ପୂର୍ବତନ ୟୁରୋକପ୍ ଗୋଲ୍ଡେନ୍ ବୁଟ୍ ବିଜତା ଆଣ୍ଟୋନିଓ ଗ୍ରୀଜ୍ମ୍ୟାନ୍। ତୁର୍କୀ ମଧ୍ୟ ମଲ୍ଡୋଭାକୁ ୪-୦ରେ ପରାସ୍ତ କରିଥିଲା। ତୁର୍କୀ ପକ୍ଷରୁ ସେଙ୍କ ଟୋସୁନ୍ ଦୁଇଟି ଗୋଳ୍ ସ୍କୋର କରିଥିବା ବେଳେ ଦୁଇଟି ଆତ୍ମଘାତୀ ଗୋଲ ଦେଇଥଲା ମଲ୍ଡୋଭା।
