ଭୁବନେଶ୍ବର : କରୋନା ମହାମାରୀ ଯୋଗୁ ରାଜ୍ୟରେ ଚଳିତ ଶିକ୍ଷାବର୍ଷରେ ପାଠପଢ଼ା ପ୍ରଭାବିତ ହୋଇଛି । କିନ୍ତୁ ଚଳିତ ଶିକ୍ଷାବର୍ଷାରେ ହେବ ମାଟ୍ରିକ ବୋର୍ଡ ଓ ଯୁକ୍ତ ଦୁଇ ପରୀକ୍ଷା । ତେବେ ମାଟ୍ରିକ୍ ଓ ଯୁକ୍ତ ଦୁଇପରୀକ୍ଷା ବିଳମ୍ବିତ ହବେ ବୋଲି ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ସର୍ବନିମ୍ନ ତିନି ମାସ ପାଠ ପଢାଯିବା ପରେ ପରୀକ୍ଷା ହେବ ବୋଲି କହିଛନ୍ତି ସମୀର ଦାଶ । ସର୍ବଭାରତୀୟ ସ୍ତରରେ ପରୀକ୍ଷା ବନ୍ଦ ନିଷ୍ପତ୍ତି ନ ହେଲେ ପରୀକ୍ଷା ହେବ । ଯଦି ସର୍ବଭାରତୀୟ ସ୍ତରରେ ପରୀକ୍ଷା ବନ୍ଦ ନିଷ୍ପତ୍ତି ହୁଏ, ତାହେଲେ ପରୀକ୍ଷା ବନ୍ଦ ହୋଇପାରେ । ତେବେ ଏସମ୍ପର୍କରେ ରାଜ୍ୟ ସରକାର ଏକକ ଭାବେ କୌଣସି ନିଷ୍ପତ୍ତି ନେଇପାରିବେ ନାହିଁ ବୋଲି କହିଛନ୍ତି ଗଣଶିକ୍ଷା ମନ୍ତ୍ରୀ । ଡିସେମ୍ବର 31 ତାରିଖ ପରେ ଦଶମ ଓ ଦ୍ବାଦଶ ପିଲା ସ୍କୁଲ ଯିବା ନେଇ ନିଷ୍ପତ୍ତି ନିଆଯିବ ।
କରୋନା ଯୋଗୁ ରାଜ୍ୟରେ ମାର୍ଚ୍ଚ ମାସରୁ ବନ୍ଦ ରହିଛି ଶିକ୍ଷାନୁଷ୍ଠାନ । ଏବେ ଛାତ୍ରଛାତ୍ରୀ ଅନଲାଇରେ ପାଠ ପଢୁଛନ୍ତି । ସଂକ୍ରମଣ ବଢୁଥିବାରୁ ସରକାର ଡିସେମ୍ବର 31 ଯାଏ ସ୍କୁଲ କଲେଜକୁ ବନ୍ଦ ରଖିଛନ୍ତି ।