କଂଗ୍ରେସରେ ମିଶିଲେ ବଲିଉଡ୍ର ରଙ୍ଗୀଲା ଗାର୍ଲ ଉର୍ମିଳା ମାତୋଣ୍ଡକର । କଂଗ୍ରେସର ଅଧ୍ୟକ୍ଷ ରାହୁଲ୍ ଗାନ୍ଧିଙ୍କ ଉପସ୍ଥିତିରେ ବିଧିବଦ୍ଧ ଭାବରେ ହାତରେ ସାମିଲ୍ ହେଲେ ଏହି ବଲିଉଡ୍ ଅଭିନେତ୍ରୀ । ଉର୍ମିଳା ଦଳ ତରଫରୁ ଉତ୍ତର ମୁମ୍ବାଇ ଲୋକସଭା ଆସନରୁ ପ୍ରାର୍ଥୀ ହେବେ ବୋଲି ଚର୍ଚ୍ଚା ରହିଛି । ବିଜେପି ନିଜର ଏହି ମଜବୁତ ଗଢରେ ବର୍ତ୍ତମାନର ସାଂସଦ ଗୋପାଳ ସେଟ୍ଟୀଙ୍କୁ ପୁଣି ଥରେ ପ୍ରାର୍ଥୀ କରିଛି। ଆଗାମୀ ଲୋକସଭା ନିର୍ବାଚନ ପାଇଁ ବିଜେପି ଅନେକ କଳାକାର ଓ ଖେଳାଳିଙ୍କୁ ସୁଯୋଗ ଦେଇଛି। ସେହିପରି କଂଗ୍ରେସ ମଧ୍ୟ ଶିଳ୍ପା ସିନ୍ଧେ, ଅର୍ଶି ଖାନ୍ ପ୍ରମୁଖଙ୍କୁ ନିଜ ଦଳରେ ସାମିଲ୍ କରାଇଛି । ‘ରଙ୍ଗିଲା’ ଫିଲ୍ମ ଜରିଆରେ ବଲିଉଡ୍ରେ ନିଜର ଏକ ସ୍ବତନ୍ତ୍ର ପରିଚିତି ହାସଲ କରିଥିବା ଉର୍ମିଳା ‘ଜୁଦାଇ’, ‘ଖୁବସୁରତ୍’, ‘ସତ୍ୟା’, ‘ପିଞ୍ଜର୍’, ‘ଭୂତ’ ଆଦି ଫିଲ୍ମରେ ବଳିଷ୍ଠ ଅଭିନୟ କରିଥିଲେ। ‘ବଲିଉଡ୍ରେ ବେଶ୍ ସଫଳ ଥିବା ଏହି ଅଭିନେତ୍ରୀଙ୍କ ରାଜନୀତି କ୍ୟାରିଅର କିପରି ରହୁଛି, ତାହା ଆଗାମୀ ସମୟ କହିବ ।
Tags:
