ରମେଶ ମହାନ୍ତି
ଜଗତସିଂହପୁର: ଝଙ୍କଡ଼ ଶାରଳା ପୀଠକୁ ଆସିଥିବା ଜଣେ ଶ୍ରଦ୍ଧାଳୁଙ୍କୁ ମାଡ ହୋଇଥିବା ନେଇ ତିର୍ତ୍ତୋଲ ଥାନାରେ ଅଭିଯୋଗ ହୋଇଥିବା ଜଣାପଡିଛି। ସୂଚନାନୁଯାୟୀ ଝଙ୍କଡର ଅଧିଷ୍ଠାତ୍ରୀ ଦେବୀ ମା ଶାରଳାଙ୍କୁ ଦର୍ଶନ ନିମନ୍ତେ କେନ୍ଦ୍ରାପଡ଼ା ଜିଲ୍ଲା କେରାଣ୍ଡିଆ ପାଟଣା ଗ୍ରାମର ଶୁଭେନ୍ଦୁ ନାୟକ ନିଜ ପରିବାର ସହିତ ଆସିଥିବା ବେଳେ ଗତକାଲି ମଧ୍ୟାହ୍ନ ସମୟରେ ସେଠାରେ ଥିବା ଏକ ଖେଳନା ଦୋକାନରେ ତାଙ୍କ ପୁଅ ଖେଳନା ଦେଖୁଥିବା ବେଳେ ଏକ ଖେଳନାକୁ ଚିରି ଦେଇଥିଲେ। ଏହି ଘଟଣାକୁ ନେଇ ଶୁଭେନ୍ଦୁଙ୍କ ସହ ଦୋକାନିଙ୍କର ବଚସା ହେବା ସହିତ ତାଙ୍କୁ ମାଡ ମରା ଯାଇଥିବା ନେଇ ଶୁଭେନ୍ଦୁ ତିର୍ତ୍ତୋଲ ଥାନାରେ ଅଭିଯୋଗ କରିଥିବା ଜଣାପଡିଛି।
Tags: ଶାରଳା ପୀଠ, ଶ୍ରଦ୍ଧାଳୁଙ୍କୁ ମାଡ
