ଭୁବନେଶ୍ବର : ଘରୋଇ ଲ୍ୟାବ୍ରେ କରୋନା ଟେଷ୍ଟ ଫି’ ନିର୍ଦ୍ଧାରଣ କଲେ ସରକାର। ରାଜ୍ୟ ସରକାର ଏବେ ମାଗଣାରେ କରୋନା ଟେଷ୍ଟ କରାଉଛନ୍ତି; ତଥାପି କିଛି ଲୋକ ଘରୋଇ ଲ୍ୟାବରେ ଟେଷ୍ଟିଂ କରିବାକୁ ଇଚ୍ଛା ରଖୁଛନ୍ତି। ଏହାକୁ ଆଖି ଆଗରେ ରଖି ରାଜ୍ୟ ସରକାର ଘରୋଇ ଲ୍ୟାବରେ ଆରଟି-ପିସିଆର ଟେଷ୍ଟିଂର ଦାମ କମାଇଛନ୍ତି। ଘରୋଇ ଲ୍ୟାବ୍ରେ ଆର୍ଟିପିସିଆର୍ ଟେଷ୍ଟ ପାଇଁ ସର୍ବାଧିକ ଫି‘ 400ଟଙ୍କା ଧାର୍ଯ୍ୟ କରାଯାଇଛି । ଜିଏସ୍ଟି ସହ ଟେଷ୍ଟ ଫି’ ଚାରିଶହ ଟଙ୍କା ଧାର୍ଯ୍ୟ କଲେ ରାଜ୍ୟ ସରକାର । ଫି’ ନିର୍ଦ୍ଧାରଣ ନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ପୂର୍ବରୁ ଏହା 22ଶହଟଙ୍କା ଥିଲା । ପୂର୍ବରୁ ଦିଲ୍ଲୀ ସରକାର ମଧ୍ୟ ଘରୋଇ ଲ୍ୟାବରେ କରୋନା ଟେଷ୍ଟିଂ ଫି’ କମାଇଛନ୍ତି। ସେଠାରେ ଘରୋଇ ଲ୍ୟାବ୍ରେ କରୋନା ଟେଷ୍ଟ ଫି’ 800ଟଙ୍କା ରହିଛି ।
ଗୋଟିଏ ଦିନରେ ସାରା ଦେଶରେ ୭ ଲକ୍ଷରୁ ଅଧିକ ନମୁନା ପରୀକ୍ଷା କରି ନୂତନ ଶିଖର ଛୁଇଁଲା ଭାରତ