ଭୁବନେଶ୍ବର, ବର୍ତ୍ତମାନ ଡିଜିଟାଲ ଯୁଗରେ ସମସ୍ତ କଥା ଡିଜିଟାଲ ମାଧ୍ୟମରେ ହେଉଛି। ଯେତେବେଳେ ଡାକ୍ତର ଅନଲାଇନରେ ରୋଗୀ ଦେଖୁଛନ୍ତି ସେତେବେଳେ ସୁନା ଅଳଙ୍କାର କାହିଁକି ଡିଜିଟାଲି କିଣା ନ ଯିବ। ବର୍ତ୍ତମାନ ସମସ୍ତେ ଘରେ ବସିବା ଏବଂ କରୋନା କଟକଣା ପାଇଁ ଦୋକାନ ବଜାର ବନ୍ଦ ରହିଥିବାରୁ ସମସ୍ତ ବେପାର ମାନ୍ଦା ହୋଇଛି। ଏପରିକି ସୁନା ଅଳଙ୍କାର ବେପାର ମଧ୍ୟ ଠପ ହୋଇଯାଇଛି।
ଏପରି ଅବସ୍ଥାକୁ ଧ୍ୟାନରେ ରଖି ଦେଶର ବ୍ରାଣ୍ଡେଡ ତାନିସ୍କ ତରଫରୁ ଆସିଛି ଏକ ନୂଆ ସୁଯୋଗ। ତାହା ହେଲା ଆପଣ ଘରେ ବସି ମଧ୍ୟ ସମସ୍ତ ପ୍ରକାରର ସୁନା ଗହଣା କଣିପାରିବେ। ସେଥିପାଇଁ ଟାଟା କଂପାନୀର ଏହି ତାନିସ୍କ ଆଣିଛି ଡିଜିଟାଲ ସୁନା ବା ଡିଜିଟାଲ ଗୋଲ୍ଡ ବ୍ୟବସ୍ଥା। ଫଳରେ ଆପଣ ଘରେ ବସି ନାମିଦାମି ସୁନା ଗହଣା କିଣିପାରିବେ। ଏପରିକି ତାହାକୁ ସମୟ ପଡିଲେ ବିକ୍ରି ମଧ୍ୟ କରିପାରିବ।
ତେବେ ଏଥିପାଇଁ ପ୍ରଥମେ ଆପଣଙ୍କୁ ତାନିସ୍କର ୱେବସାଇଟକୁ tanishq.co.in ଲଗଅନ କରିବାକୁ ପଡିବ। ଏହି ଆଇଡି ଲଗଅନ କରିବା ପରେ ଆପଣ ଆପଣଙ୍କର ସମସ୍ତ ବିବରଣୀ ଦେଇ ପ୍ରଥମେ ରେଜିଷ୍ଟ୍ରେସନ କରାଯିବ। ଏଥିରେ KYC ମଧ୍ୟ ପୁରଣ କରିବାକୁ ପଡିବ। ଫଳରେ ଆପଣ ସ୍ବତନ୍ତ୍ର ଭାବେ ୟୁଜର ଆଇଡି ଏବଂ ପାସ ୱାର୍ଡ ପ୍ରଦାନ କରାଯିବ। ସେଥିରେ ଆପଣ କିଣିବିକା ଏପରିକି ଏକ୍ସଚେଞ୍ଜ ମଧ୍ୟ କରିପାରିବେ।
ଆପଣ ସୁନା ଗହଣା କିଣିବା ପାଇଁ ହେଲେ BUY, ବିକ୍ରି କରିବା ପାଇଁ ହେଲେ SELL ବଟମ ଦବାଇବାକୁ ପଡିବ। ଏହାପରେ କିଣିବା ପାଇଁ ହେଲେ ଆପଣ ବିଭିନ୍ନ ଅଳଙ୍କାରର ଡିଜାଇନ କଂପୁଟର ସ୍କ୍ରିନରେ ପାଇପାରିବେ। ଆପଣ ଯେଉଁଦିନ ଏହା କିଣିବେ ସେହିଦିନ ଯାହା ଦର ଥିବ ସେହି ଦରରେ କିଣିପାରିବେ।
ତେବେ ଏଥିରେ ଆପଣ ଡିଜିଟାଲ ଗୋଲ୍ଡରୁ କିଣିଥିବା ସୁନା ଗହଣା ଚାହିଁଲେ ଘରକୁ ଆଣି ପାରିବେ। ନଚେତ ଏହି ସୁନା ଆପଣଙ୍କ ନାମରେ ସୋରୁମରେ ଗଚ୍ଛିତ ହୋଇ ରହିବ। ଆପଣ ଯତେବେଳେ ଚାହିଁବେ ଦୋକାନକୁ ଯାଇ ତାହା ହାସଲ କରିପାରିବେ। ଯଦି କିଛିଦିନ ପରେ ଆପଣ ଚାହିଁବେ ତେବେ ତାହାକୁ ଅନଲାଇନରେ ମଧ୍ୟ ବିକ୍ରି କରିପାରିବେ।
ଏହି ଅନଲାଇନ ବ୍ୟବସ୍ଥାରେ ଅତିକମରେ ଜଣେ ଚାହିଁଲେ ଶହେ ଟଙ୍କାର ମଧ୍ୟ ସୁନା କିଣିପାରିବ ବୋଲି କଂପାନୀ ତରଫରୁ କୁହାଯାଇଛି। ଆପଣ ଏହି ସୁନାକୁ ତନସ୍କର ଦେଶରେ ଥିବା 350ଟି ସୋରୁମରେ ବଦଳ ମଧ୍ୟ କରିପାରିବେ।
